翠林辣蟹舫

好多名人到访既明星食店😍食蟹就出哂名。今日特登黎试下其他菜式先！［椒麻酸菜鱼］呢度既酸菜鱼系用龙趸整架😳😳口感好弹牙，又无乜骨。当中仲有好多配料，包括木耳、莲藕片、节瓜（出面好少见）、芹菜等。椒麻味好出好惹味，但又唔会好辣。［森巴酱香辣鸡］离远望有一刻以为系酸辣汤（我系big fan🫢）。森巴酱甜甜辣辣几开胃，当中有啲蛋花，鸡件啖啖肉。有啲惊喜。［酥脆蚝仔饼］超大份😳炸到好酥脆，蚝仔大大只，一啲都唔腥，份量仲好多添。［姜拍芥兰］姜味好出，火喉好足。下次等多啲人再试其他蟹既菜式先！