山本屋 (海運大廈)

营业中

休息中

上次行过未有机会过去试，今次食晏时间泊完车行过未想到食乜，就是是旦旦咁过去试。本来带我哋入座𠮶个阿姐态度都几好，带我同太太一齐入座去全场剩返嘅唯一张窗边枱，点知未入座佢就用我凌厉嘅眼神掘住我，然后用普通话同我哋讲：「窗口位有最低消费」。冇问题，我普通话听得好，我用广东话问佢「咩话？」佢再用普通话重复多一次，我再用广东话问佢「咩话？」我同佢讲：「喂，喂系你带我入嚟咩各位㗎㖞，咁即系点？」你如果有啲咁嘅条件嘅话，又惊我order得唔够嘅，咁系咪应该我入嚟之前同我讲定就最低消费嘅条件，如果我都OK嘅你咪先带我入去，而唔系客人打算坐低嘅时候揾另外一马尾大婶就过嚟喝住我，好似唔俾我坐落去咁，咁即系乜嘢意思？喂，食餐饭啫，你想点啊？你咁渴数嘅，个餐牌咪加贵啲啰，你又唔敢。虽然最后帮我落单𠮶个阿叔态度都几好，但系一个害群之马搞到我未食都已经冇晒胃口，有员工用啲咁样嘅态度嚟提供服务，啲嘢食几好都冇用啦，唔好问啲客点解去晒大陆消费啰。呢次肯定系我最后一次帮衬呢间。