麵家山下 (已結業)

系面书见到话上水嘅山下比水货客强占，谂起元朗都有分店，又横掂未试过，落楼下食个面先。坐低店员送上水同餐牌，面有五款，汤底有四种，仲有几样小食同饮品咁，简单易明，好快决定到食咩。爱肉嘅朋友叫左又烧拉面，辛辣汤底。叉烧有四、五片之多，朋友话好满足㖞。汤底不算太辣，香浓惹味，食到底有几只辣椒，唔小心咬到就真系会好辣啦。自己点左拉面DX酱油汤底，贪佢有两只蛋，我真系好钟意食呢种味附蛋㗎。酱油汤底意外地清淡，没想像中油腻呢。面条爽口弹牙又挂汤，好食㖞。叉烧甘香入味，半肥瘦好正，可惜太薄了，失去了口感。正爆流心蛋，充满蛋香之余，蛋酱仲留系口腔内久久不散。有点意犹未尽再追加左一份大板烧串，大板烧食得多，整到棒状就第一次见。粉酱同椰菜比例几好，外边煎得香脆，加上劲多酱汁同沙律酱，好好味！平均唔使一百蚊个人，拉面黎计算系咁了。