影片
更多
2024-11-02
314 浏览
戏曲中心入面原来有间好鬼正嘅中菜餐厅，呢日跟同老婆大人同朋友一齐去食饭，估唔到都几出色好有惊喜㖞。间餐厅就喺西九龙戏曲中心入面嘅游园，餐厅嘅装修好古色古香都几有味道㗎。先嚟叫两个前菜叹吓！呢个同平时食𠮶啲青瓜有啲啲唔同，佢系用咗金桔醋嚟配青瓜嘅前菜，除咗清甜爽口嘅青瓜之外加埋酸酸地嘅金桔醋味道特别清香。食完个清新嘅就嚟过邪恶黄金脆鱼皮！咸蛋黄包喺啲炸香嘅鱼皮度又点会唔好食吖，呢个时候真系想整返杯啤酒叹吓。不过年纪大都系唔好饮咁多酒喇！整杯小朋友口味嘅脆脆好立克，加咗啲谷物脆脆有口感好得嚟仲好香甜添。头抽煎八头虎虾大大只鬼咁厚肉，𠮶阵豉油嘅味真系好香食落去劲鲜甜爽口真系冇得弹啊。传统焗蚝砵整得好干身蛋味又浓又香，加埋粒粒新鲜嘅蚝肉已经好好味，入面仲加咗补身嘅韭菜令个味道更加鲜明突出。歌乐山鸳鸯鸡系用咗鸡肉同埋田鸡嚟整嘅，双鸡都炸到劲酥脆仲要辣度劲好鬼香口同惹味，不枉我留住两行眼泪嚟食佢。跟住呢个湘式红烧肉热辣辣用煲仔上枱啱晒呢个天时食！红烧肉炆到好化口仲要肥得嚟一啲都唔漏，加埋个好香甜嘅酱汁真系可以扒两大碗饭呀。金钩啫啫芥兰煲热辣辣香喷喷咁上枱劲正！脆卜卜嘅芥兰好嫩口同埋好有菜味，加埋啲
间餐厅就喺西九龙戏曲中心入面嘅游园，餐厅嘅装修好古色古香都几有味道㗎。
先嚟叫两个前菜叹吓！呢个同平时食𠮶啲青瓜有啲啲唔同，佢系用咗金桔醋嚟配青瓜嘅前菜，除咗清甜爽口嘅青瓜之外加埋酸酸地嘅金桔醋味道特别清香。
食完个清新嘅就嚟过邪恶黄金脆鱼皮！咸蛋黄包喺啲炸香嘅鱼皮度又点会唔好食吖，呢个时候真系想整返杯啤酒叹吓。
不过年纪大都系唔好饮咁多酒喇！整杯小朋友口味嘅脆脆好立克，加咗啲谷物脆脆有口感好得嚟仲好香甜添。
头抽煎八头虎虾大大只鬼咁厚肉，𠮶阵豉油嘅味真系好香食落去劲鲜甜爽口真系冇得弹啊。
传统焗蚝砵整得好干身蛋味又浓又香，加埋粒粒新鲜嘅蚝肉已经好好味，入面仲加咗补身嘅韭菜令个味道更加鲜明突出。
歌乐山鸳鸯鸡系用咗鸡肉同埋田鸡嚟整嘅，双鸡都炸到劲酥脆仲要辣度劲好鬼香口同惹味，不枉我留住两行眼泪嚟食佢。
跟住呢个湘式红烧肉热辣辣用煲仔上枱啱晒呢个天时食！红烧肉炆到好化口仲要肥得嚟一啲都唔漏，加埋个好香甜嘅酱汁真系可以扒两大碗饭呀。
金钩啫啫芥兰煲热辣辣香喷喷咁上枱劲正！脆卜卜嘅芥兰好嫩口同埋好有菜味，加埋啲香口嘅虾干同肉碎惹味到不得了。
饱肚嘢我哋叫咗个台山菜果腊味煲仔饭！老婆大人话菜果其实即系好似芥兰头类嘅菜，加咗入个腊味煲仔饭度即刻爽口咗，同埋个饭干湿做得啱啱好又唔油腻，搅到我食咗两大碗先肯收口。
甜品老婆大人就食佢最钟意嘅桑寄生蛋茶！我试咗一啖个桑寄生味都好浓，而且个甜味教得啱啱好所以佢食得好满意。
我就钟意呢个九年百合红豆沙！九年百合清甜爽脆纤维小又冇苦味，加埋煲到起晒沙嘅红豆呢碗红豆沙确系掂。
张贴
