鮨燐

营业中

休息中

今日去咗尖沙咀嘅鮨燐食omakase，预早book位去到，平日夜晚都满座，人气几高咁。难得嚟到就食好少少试佢最贵嘅set，$1880有七款刺身、两款热食、六款寿司、热汤同甜品。要赞一赞佢嘅刺身，够晒新鲜所以食落去好鲜甜，日本产嘅蚝够晒大只，仲有长脚蟹嘅蟹膏蟹肉都好鲜味。仲有最后一样矶煮鲍鱼，酱汁系用鲍鱼肝等材料细心处理同烹调，味道有少少似蟹膏咁鲜，而且冇咁咸，所以师傅比左寿司饭配埋黎食。热食方面食晒两款之后，特别要一提佢嘅法国龙虾，个龙虾汤好浓郁，但唔系平时个啲靠落左忌廉嘅浓味，食得出真系用好多龙虾肉煮出嘅鲜味。总括黎讲真系食物质素好好，服务水平又高嘅一间餐厅。