上海老家 (已結業)

突然想食上海菜，咁啱喺附近做完嘢见到呢间餐厅，一于入去试下先，估唔到比我揾到间好嘢，味道正宗，价钱仲唔贵，都几抵食。上海回锅肉 $ 88  - 用左好多青红辣椒、椰菜去炒，猪腩肉片一啲都唔肥，炒得好够镬气又入味，真系唔错!口水鸡 $88 - 鸡十分嫩滑，个汁辣度啱啱好，朋友唔食得好辣都食到。奶油津白 $88 - 津白索哂奶油汁，好creamy而且入口即溶，津白份量好多，好大碟。高力豆沙 $72 – 越来越少餐厅肯做高力豆沙，松软蛋白加上内层香甜豆沙，虽然size不大，但好好味，系绝佳既饭后甜品。