影片
更多
2024-04-18
1597 浏览
宫崎骏嘅动画可以讲喺陪伴我哋长大，我个人就较喜欢佢早期嘅作品，例如：「天空之城」、「风之谷」，至于「千与千寻」都觉得喺一出几特别嘅作品。最近偶然睇到食友晌「和道屋」嘅食评，见到竟然有个1:1嘅「无面男」坐镇，加上餐厅嘅装修和风感十足，绝对可以嚟一趟伪日本之旅美食篇。虽然餐厅设喺二楼，但地下入口嘅长长走廊，已经极具打卡感，「无面男」就坐咗喺度等大家同佢打卡，加上天花嘅灯笼，真喺话俾人听去咗日本绝对会相信啰。拾级以上，都仲未正式入到餐厅，极具和风嘅彩绘，以及 一串串嘅灯笼，又喺另一个打卡位。走进餐厅嘅用餐区，地方都几大，除了有多张散枱之外，最入面仲有三组仿榻榻米座位，较自成一角。一室木系嘅装修，加上墙上贴咗唔少昭和年代嘅海报，配合埋昏暗嘅灯光，感觉更似去咗一趟日本，非常有气氛。櫈底下都设有小布篮，等客人方便摆袋、背包，都喺少少贴心嘅安排。作为居酒屋定位，自然刺身、寿司、串烧、浜烧、烧物、石烧料理、锅物、一品料理……等等一应俱全，餐牌一整大本图文并茂，不过，有啲难影，所以，就无影出嚟俾大家参考。而我哋就试咗一个「海胆ｘ和牛二人前」（$1,288），一共有7道菜，有齐好多餐厅嘅招牌菜式，当中4
虽然餐厅设喺二楼，但地下入口嘅长长走廊，已经极具打卡感，「无面男」就坐咗喺度等大家同佢打卡，加上天花嘅灯笼，真喺话俾人听去咗日本绝对会相信啰。
拾级以上，都仲未正式入到餐厅，极具和风嘅彩绘，以及 一串串嘅灯笼，又喺另一个打卡位。
走进餐厅嘅用餐区，地方都几大，除了有多张散枱之外，最入面仲有三组仿榻榻米座位，较自成一角。一室木系嘅装修，加上墙上贴咗唔少昭和年代嘅海报，配合埋昏暗嘅灯光，感觉更似去咗一趟日本，非常有气氛。
櫈底下都设有小布篮，等客人方便摆袋、背包，都喺少少贴心嘅安排。
作为居酒屋定位，自然刺身、寿司、串烧、浜烧、烧物、石烧料理、锅物、一品料理……等等一应俱全，餐牌一整大本图文并茂，不过，有啲难影，所以，就无影出嚟俾大家参考。而我哋就试咗一个「海胆ｘ和牛二人前」（$1,288），一共有7道菜，有齐好多餐厅嘅招牌菜式，当中4款有海胆元素，够晒胆「式」过人。
此外，仲有几好几款套餐，例如：A4和牛寿喜烧、无限定特选套餐，计起嚟点都划算过散点嘅。
芒果蟹籽沙律虽然沙律面头唧满沙律酱，但都睇到有好多蟹米，沙律以青瓜丝、白萝卜丝及芒果作为组合，食起嚟非常清爽，加上啲芒果好清甜，确喺一道几开胃嘅前菜。
海胆甜虾刺身杯喺店家嘅新产品，单点要$198/杯，个套餐仲喺包两杯，一人食晒一杯，唔使「些牙」。以鸡尾酒杯盛载，一排排牡丹虾整齐排列，加上海胆、黑鱼籽，喺卖相上十分华丽，极具视觉效果，将3者一齐放入口，口感复杂，味道纷陈，并且散发出多重鲜味，实在好有惊喜。
海胆甜虾刺身杯
4 浏览
0 赞好
0 留言
初头见过菜名写住和牛「他他」，以为将和牛刴成蓉，原来都唔喺，喺切成厚厚一片片，再经火炙，面头就洒咗啲金蒜、葱粒同甘笋蓉，卖相精致，而和牛火炙过，更富油香，食落口感嫩滑；底下嘅生洋葱沾满酸醋汁，正好用作间场，清清味蕾之效。
火炙和牛他他
4 浏览
0 赞好
0 留言
千层塔顾名思义，就喺一层叠一层，亮点喺海胆多、拖罗蓉多、三文鱼籽又多，令到色泽亮丽，未食已兴奋呀！附有紫菜片，食法喺以紫菜夹住啲日本米及各款馅料好似手卷咁一齐食，紫菜好脆口，啲馅料晌口腔鲜味大爆发，加上以赤醋调好味嘅饭粒，口感黏糯，实在幸福感满载。
海胆拖罗千层塔
4 浏览
0 赞好
0 留言
火灸和牛海胆卷呢道菜嘅和牛就切得比较再薄身少少，方便卷起啲米饭，同样轻轻火炙，令油脂香更突出，面头放咗几瓣海胆，将整件和牛海胆卷一啖过放入口
，慢慢细嚼，和牛嘅油香、肉味，与海胆嘅丰腴感，相互交织，真喺「脂」味无穷。
火灸和牛海胆卷
25 浏览
0 赞好
0 留言
海胆 X 黄金蟹膏乌冬怕你唔够饱，最尾嚟一小碗黄金乌冬，黄色嘅乌冬喺因为加入蟹膏去处，蟹膏汁挂满晒每一条乌冬，单喺净食乌冬已经好好味，再加上海胆嘅加持，令到啲乌冬更具奢华感。
海胆ｘ黄金蟹膏乌冬
13 浏览
0 赞好
0 留言
芝麻、绿茶雪糕你都未食 当然系甜品时间 虽然简简单单嘅 芝麻雪糕绿茶雪糕，但啲雪糕嘅质素唔错，除咗本身嘅芝麻同绿茶味够突出之外，亦甚富奶香，质感挺身而软滑。
有朋友晌附近做嘢，所以，就专登问店员攞个午餐餐牌，睇睇午市定食喺点，睇落又几划算㖞，有机会再嚟试试先。
唔好睇啲菜式好似细细粉，食晒之后其实都几饱吓，加上呢度环境几舒服，满满日本风情，招呼又够熨贴，店员有礼，令到整晚嘅用餐体验都非常之好，值得推介。
张贴
