Kampoeng

营业中

休息中

平时较少食印尼嘢，今日放工往铜锣湾皇室堡，附近糖街有间Kampoeng，在铜锣湾商业大厦地库，装修具东南亚风味，主打印尼菜。春卷炸得很脆口，又唔太油腻，素菜饀料几清新。马拉盏炒杂菜有椰菜花，西兰花，芽菜，芥兰和椰菜，配合马拉盏嘅咸香，清淡新鲜又健康。半只海南鸡份量十足，鸡肉嫩滑有鸡味，油香感丰富，配合姜蓉，酱油和鸡酱三种调味，各适其式。软壳蟹炒金边粉口感似港式豉油皇炒河，呢啲偏向淡香而唔太油腻，软壳蟹几香脆。印尼炒饭炒得好够镬气，鸡肉粒虾干粒咸香惹味，饭粒够香够干身，令人回味。