穴 (已搬遷) 新店位置

差不多踏入9月想食秋刀鱼，周围打电话睇下边度有得食。结果揾到呢间日本餐厅，问接线生今晚有咩飞机货，有无秋刀。佢答左好多。。。顺便订埋坐bar枱，点知话Full HSE，起码要九点半后有位。咁谂住实无衰喇挂。无聊地行左几个钟街等！上到去好多人，好嘈。好似去左放题场一样，唔紧要啦谂住啲野得当热闹少少有气氛啲。安排好座位后，问个日籍待应今晚有咩好野，介绍完order左秋刀$280，象拔蚌$220，佢声称既日本马粪海胆$280，同两客生粟米$56好期待地等左10分钟终于有得食，但第一个印象已经好失望。大兜堆头摆埋同一碟！都无所谓，但可唔可以摆靓啲？！你唔系做紧放题架！寿司吧有四个师傅，个场得70-80位，出品唔会负担唔到啦？仲要系讲紧你唔系一次过做七八十位既order。算，同自己讲唔好咁肤浅睇外表。先食象拔蚌，有海水味但唔系鲜甜同唔够爽，因为每客order唔系一条计，我谂我太晏食紧人地另外果半条。本来想向店方反应，但我杯茶饮左一杯后都无人再斟过你就知讲黎都嘥气！况且讲完佢都系当你唔识食！再食海胆，我宁愿食大连一板果啲！好啖唔鲜甜！！最后食秋刀，唯一味道叫做最好算，尚算肥美，但有两件仲有骨未去净