穴 (已搬遷) 新店位置

一入到去见到差唔多爆澎，谂住都应该唔错，就同朋友入去一试。环境都ok，侍应服务唔错，唯独食物质素与价钱不付合。首先我跟朋友座寿司吧枱的见当然可以清楚地见到师傅的运作过程，唔知佢地系咪客多得滞，野食整唔切，起初以为好快，咁我就快步去个toilet，返到座位，见到有碟刺身到咗，跟住好高兴咁食。点知....新鲜程度一般，之后就等咗好耐都无野到...唯有系咁等(我地两个人都系叫咗一客刺身、一个火锅同埋一客寿司，乜都未到)，咁唯有睇住师傅的生产过程，又唔太卫生㖞...事关抺黎抺去都系𠮶条布，仲无乜点洗，个大师傅对d食物就一d都唔专重，pat入个冻柜度，好似d食物唔值钱咁、绝对唔似一流日本师傅的那种专业态度，之后，佢一见到个熟客就系咁倾，一路倾一路整，d口水跌晒去d食物度，又唔用口罩，无黎卫生。跟住到埋单时，个侍应话我张咭系用咗晶片的新咭，因为部机坏坏地，所以过唔到，有冇搞错呀，一间中高档的日本餐厅，竟然话张咭过唔到机，佢仲俾我睇，原来系一部旧型号的过咭机，好心就换啦，搞到我同个朋友好似look爆咭无钱俾系度数散纸咁....(食成四百几蚊野竟然无得用)过份!!