影片
更多
2022-06-19
40 浏览
深宵食堂📍旺角弥敦道575号🎑环境成间舖头都好有feel，一面墙贴咗宫崎骏啲海报，一面就有日本好多动漫，例如海贼王、火影忍者嘅海报，几有feel，同埋啲灯光暖暖地，加埋啲樱花，成个好日本春天居酒屋嘅feel，好适合三五知己嚟食下嘢倾下计！🍱食物🍚主食蟹肉海胆炒饭 $88听到个名都觉得系奢侈嘢，果不其然，一上到嚟见到金灿灿嘅海胆同一大羹嘅蟹子铺喺面头，再加埋炒饭入面无处不在嘅蟹肉丝，会话系痛风套餐咁，但系值得嘅，一定要捞匀咗之后先好食，海胆系饭入面起到一种奶油嘅作用，入口好顺滑，好香，蟹味又好出，而蟹子同紫菜提供咗口味上嘅唔同，捞埋镬气重、粒粒分明嘅蛋炒饭嚟食真系一流！推荐度： 😋😋😋😋😋深宵冷乌冬 $48呢个乌冬虽然都系主食，但系喺成餐饭入面起到一个解腻嘅作用，因为佢喺冻食，捞埋日式芝麻酱，甜甜地嘅芝麻香，好开胃，而且乌冬好弹牙、好有弹性，捞埋蟹柳、蟹子同紫菜，实在好容易食到停唔到！推荐度： 😋😋😋😋🍖小食厚烧牛舌 $76呢串牛舌由于系厚切嘅关系，所以好有咬口，并且唔会咬唔烂，软嫩多汁，调味又恰到好处，淡淡地盐味，啱啱好可以吊出个鲜味，几高质~推荐度： 😋😋😋😋萤光鱿鱼 $48去寿司郎
📍旺角弥敦道575号
🎑环境
成间舖头都好有feel，一面墙贴咗宫崎骏啲海报，一面就有日本好多动漫，例如海贼王、火影忍者嘅海报，几有feel，同埋啲灯光暖暖地，加埋啲樱花，成个好日本春天居酒屋嘅feel，好适合三五知己嚟食下嘢倾下计！
🍱食物
🍚主食
蟹肉海胆炒饭 $88
听到个名都觉得系奢侈嘢，果不其然，一上到嚟见到金灿灿嘅海胆同一大羹嘅蟹子铺喺面头，再加埋炒饭入面无处不在嘅蟹肉丝，会话系痛风套餐咁，但系值得嘅，一定要捞匀咗之后先好食，海胆系饭入面起到一种奶油嘅作用，入口好顺滑，好香，蟹味又好出，而蟹子同紫菜提供咗口味上嘅唔同，捞埋镬气重、粒粒分明嘅蛋炒饭嚟食真系一流！
推荐度： 😋😋😋😋😋
深宵冷乌冬 $48
呢个乌冬虽然都系主食，但系喺成餐饭入面起到一个解腻嘅作用，因为佢喺冻食，捞埋日式芝麻酱，甜甜地嘅芝麻香，好开胃，而且乌冬好弹牙、好有弹性，捞埋蟹柳、蟹子同紫菜，实在好容易食到停唔到！
推荐度： 😋😋😋😋
🍖小食
厚烧牛舌 $76
呢串牛舌由于系厚切嘅关系，所以好有咬口，并且唔会咬唔烂，软嫩多汁，调味又恰到好处，淡淡地盐味，啱啱好可以吊出个鲜味，几高质~
推荐度： 😋😋😋😋
萤光鱿鱼 $48
去寿司郎应该都食过萤光鱿鱼寿司啦， 呢度嘅质素一啲都唔输寿司郎，一咬就爆汁，有啲海水嘅咸味出咗嚟，个鱿鱼本身又烟烟韧韧咁，几爽口又开胃嘅小菜，而且上面有啲金箔，几靓，但系份量多翻少少就更加过瘾了！
推荐度： 😋😋😋😋😋
汁烧鸡肶菇 $28
一上台，以为系竹签串住几旧大萝卜，睇真啲先发觉系鸡肶菇，足以见到究竟系有几肥美先有咁嘅视觉效果，佢外皮烤到有啲干，但系入面又极度多汁，系夸张到爆汁嘅程度，真系好鲜美，加埋上面嘅木鱼花同特制汁食真系好惹味，我个friend系连碟底剩低嘅木鱼花都唔放过，佢话啲汁捞木鱼花都好好食~
推荐度： 😋😋😋😋😋
炸芝士虾球 $32
虾肉好弹牙，而外皮又新鲜滚热辣地炸得好脆，口感好丰富，包裹住啲芝士，一口爆汁，好邪恶，口感，而且芝士味浓，两样嘢好夹 🤩
推荐度： 😋😋😋
和风牛肉饼 $32
好贴心咁帮我地切成咗两块，食落有啲似可乐饼，一样系好脆好热，配埋酸酸甜甜嘅汁，真系好好食！
推荐度： 😋😋😋
松露三文鱼焗大啡菇 $52
照样好贴心咁帮我地切成四旧，大啡菇上面酿满芝士、三文鱼块同少少松露酱，食落好满足，大啡菇𠮶种脆脆地韧韧地嘅口感系一个好好嘅承载物，令到入面酿住嘅嘢变到更加惹味，仲增添咗啲菌类嘅鲜甜，好出色！
推荐度： 😋😋😋😋😋
芝士年糕 $38
个外皮烤到有少少焦，几有风味，而且年糕软软糯糯，配埋入面可以拉丝嘅芝士，好夹
推荐度： 😋😋😋
🍶饮品
咖啡烧酒 $48
我本身就唔系几饮得酒，所以觉得个酒味太重，但系我frd就话呢种听落好黑暗嘅组合其实好夹，但系酒精浓度应该都有翻咁上下，佢饮到三分二就已经有啲wingwing地，大家都可以试下
推荐度： 😋😋😋
张贴
