麵館皇

营业中

休息中

今日休假日！当然训到日上三竿！出去铜锣湾搅啲庶务！再食个早午餐！本来想食登龙街人气拉面，但都几多人排队，见呢间刀削面未试过！自己好喜欢食面！不同地方面食我都有兴趣！就入去试下！因为已经过了午市高峰期，场内只有八成满！不过地方好细，枱櫈好迫，幸好都系光猛干净！我一个人食都要搭枱！我想试刀削面同云吞，但云吞套餐又唔包面！我问店员想食呢两样，佢又无话系边个套餐！只系讲：「你呢要双拼，再加份面，刀削面要加$3，不过云吞就会变成3粒咋，咁就$51！」最后我都唔知自己食边个套餐再双拼转刀削面，因为佢又无指住个餐牌解释！而我之后自己睇都系揾唔到！总之佢夹到我两样食物啦！食物都要等一阵先到！酸辣汤云吞刀削面！好大一碗！个酸辣汤够热！一汤内有木耳丝、豆腐粗条、猪皮丝！酸酸辣辣，辣度刚刚会令我流鼻水！云吞3大粒！皮唔薄但弹牙，馅料菜多肉少，但好多肉汁！肉质唔嚡！刀削面阔身弹牙，有粗有薄，面上面都有刀痕，口感都好特别！份量大，最后我都食唔晒！餐饮可以选冻豆浆或热饮！我叫的热柠茶正常！店员服务一般，除了帮我落单嘅阿姐对餐牌够熟之外，其他店员都要问佢！我见好多附近做嘢嘅化妆小姐都来呢度食嘢！