Saravanaa Bhavan (已搬遷) 新店位置

佢既系「印度菜」又系「全素食」。素食经验黎讲, 大约十只手指都数得哂。俾我感觉系好清淡、无乜味、全部都系菜。但今次真系估你唔到, 出奇地好食, 即管睇睇生食咗咩。Gobi Manchuria $70上菜𠮶阵完全听唔明佢介绍, 以为系磨菇。食食吓先发现原来系椰菜花。外层应该有炸过, 口感有啲脆, 酱汁香浓。唔讲真系唔知, 话系食紧肉我都会信。必食！Devil Potato $65固名思议啦, 一味辣既薯仔。薯仔细细粒容易入口。同样味道非常香浓且开胃。Mushroom Rohan josh $75原来佢先系磨菇, 咖喱汁完全覆盖住磨菇既本身。味道上似系黄咖喱, 唔算太辣而且好惹味。配合埋烤饼一齐食就无得输。Paneer butter masala $70一粒粒野以为系瓜, 点知原来系芝士。咖喱味更加突出, 芝士口感唔油腻, 食落口仲有啲芝士香。正！必食！Naan $25份量有啲少, 应该一人叫两份先够。脆、香、松软齐哂。唔可以话系最好食, 但绝对合格。留意返, 餐厅系全素菜, 佢完全打破对于素菜味道上既观念。一向唔食素既一定要黎试吓。