廣麪子

营业中

休息中

呢日来到湾仔地铁站附近大王东街呢间“广面子”，原来正如朋友所讲，真系好多人，唔紧要吖，为咗美食等多阵系值得嘅。嗌咗个有丰富材料云吞、切腩、牛丸和鱼蛋片的“切腩四宝捞面”，咦，好似有五宝㖞，鱼蛋和鱼蛋片一齐计就四宝，分开计就五宝，攒咗一宝😄😄睇下其中的“切腩”牛味浓郁，够晒冧身，好正 ；“云吞”亦大大粒，内有好多鲜虾；"牛丸"弹牙爽口；鲜制鱼蛋，鱼蛋片食得到同平时吃嘅好唔同的新鲜的味道，店家话系即日制作嘅。除咗鱼片，“酥炸鱼皮”亦系即日炸，香脆可口，再配送埋的葱花汤，非常之好味。由于切腩是比一般腩牛肉味道更浓，因此又嗌咗个“浄清汤切腩”，食得更畅快。今次食切腩，下次试吓爽腩、坑腩、崩沙腩。“蚝油菜心”细细条，非常幼嫩，非常之甜口，必须一赞。估唔到有 “杂果宾治”嗌，朋友点咗，至于我当然叫个“消脂青柠”饮品，呢度唔会净系得咖啡，奶茶饮，我钟意💗