影片
更多
2024-11-18
240 浏览
有一日中午我嚟咗呢一度，叫咗一碟鹅肠饭，系全碟都系鹅肠，麻甩得嚟我觉得好治愈。跟住见到个餐牌，夜晚啲嘢全部半价，而且非常公道，隔几日就揾咗另外一个同事一齐嚟食，一个字，全部都系啖啖肉，性价比超高。🍖先由拍黄瓜开始讲啦。长条形，厚切，容易食之余，大面积接触到醋，清新间隔住酸酸尾尾，实而不华嘅开胃菜依依。🍖酸菜鱼，其他餐厅嘅酸菜鱼我都经常食，都觉得非常好味，到食咗呢个，我有少少觉得翻唔到转头。佢地竟然用大斑鱼，即系龙趸。正如俗语所讲，Once you go斑， you can't go 低一班! 龙趸嘅肉一啲都唔老，有充实嘅感觉，又系厚切，而且带鱼皮，食到骨胶原嘅韧性。听店员讲，系用劲大条𠮶啲深海龙趸自己起肉，听落都觉得矜贵。配搭调味适中嘅酸菜同辣口味，食完唔会觉得好似其他嘅酸菜鱼，成口味精嘅感觉。🍖我哋嚟到嘅时候咁啱见到佢啲蟹到货，一个男店员攞起一只，条绳松松哋，只蟹踢脚用力好猛，咁新鲜生猛，我哋又即刻叫咗一只，用避风塘方法做。只蟹上台霸气十足，君临天下咁。两只大钳藏唔住，好震撼，好易剥开而且完好无缺，新鲜饱满。系炸蒜粒下面其他脚都好好肉，而且黏上更多蒜味，配埋超多膏既蟹壳，一流！🍖仲有
🍖先由拍黄瓜开始讲啦。长条形，厚切，容易食之余，大面积接触到醋，清新间隔住酸酸尾尾，实而不华嘅开胃菜依依。
🍖酸菜鱼，其他餐厅嘅酸菜鱼我都经常食，都觉得非常好味，到食咗呢个，我有少少觉得翻唔到转头。佢地竟然用大斑鱼，即系龙趸。正如俗语所讲，Once you go斑， you can't go 低一班! 龙趸嘅肉一啲都唔老，有充实嘅感觉，又系厚切，而且带鱼皮，食到骨胶原嘅韧性。听店员讲，系用劲大条𠮶啲深海龙趸自己起肉，听落都觉得矜贵。配搭调味适中嘅酸菜同辣口味，食完唔会觉得好似其他嘅酸菜鱼，成口味精嘅感觉。
🍖我哋嚟到嘅时候咁啱见到佢啲蟹到货，一个男店员攞起一只，条绳松松哋，只蟹踢脚用力好猛，咁新鲜生猛，我哋又即刻叫咗一只，用避风塘方法做。只蟹上台霸气十足，君临天下咁。两只大钳藏唔住，好震撼，好易剥开而且完好无缺，新鲜饱满。系炸蒜粒下面其他脚都好好肉，而且黏上更多蒜味，配埋超多膏既蟹壳，一流！
🍖仲有个脆皮牛，系好正既功夫菜，牛肉唔知系慢煮定焗左先，入面做得好林，但系纹理好清晰，而且系见到肉汁系肉缝流出，留意系见到，唔系食到咁简单。仲有薄薄一层炸浆系出面，我想改佢个名做流心脆牛肉。
呢晚系星期三，大家知道香港人宜家都唔会出街食饭，呢度排队嘅人超多，座无虚席，可想而知佢哋的确系有自己嘅一套吸引力法则。听讲半价项目每月更新，下个月又黎先！
张贴
