影片
更多
2016-08-08
2218 浏览
呢期最兴Pokemon GO，朋友捉到癫左，食饭都要争分夺秒。路过呢间Beer & Fish，不但附近系补给站，而且门口仲可以叉电，简直人间天堂！即入！酒吧格局，一坐低，店员就送上Bar Snack炸鱼皮 ($10)，薄身松脆，送酒一流。想饮甜味重、容易入口既啤酒，店员介绍左Hitachino Nest White Ale($75)同Kona Big Wave($73)，果然不带苦涩味，而且果味浓郁，啱晒女仔饮。Real Fish Fingers ($68)，鱼肉烟韧有口感；外层炸得香脆，浆粉味道唔太浓，点埋沙律酱更惹味。Crab Cegg & Gravy ($138)，面层奶油味浓，下面系温泉蛋同蟹肉，最底层系面包，有少少Benedict感觉；将鸡蛋刺穿，蛋浆倾泻而下，加埋啖啖蟹肉食，正！Fried Chicken & Shrimp Jambalaya ($98)，鸡肉真系超得，外层酥脆唔多油，入面鸡肉好嫰滑，咬落去啖啖肉；虾仔一啖一只，虾肉爽口；底层既辣肉肠饭都唔错，酸酸辣辣，饱肚又满足！Beer Battered Fish and Fries (辣啤+B&F他他，$88)，英式F
呢期最兴Pokemon GO，朋友捉到癫左，食饭都要争分夺秒。路过呢间Beer & Fish，不但附近系补给站，而且门口仲可以叉电，简直人间天堂！即入！
酒吧格局，一坐低，店员就送上Bar Snack炸鱼皮 ($10)，薄身松脆，送酒一流。
想饮甜味重、容易入口既啤酒，店员介绍左Hitachino Nest White Ale($75)同Kona Big Wave($73)，果然不带苦涩味，而且果味浓郁，啱晒女仔饮。
Real Fish Fingers ($68)，鱼肉烟韧有口感；外层炸得香脆，浆粉味道唔太浓，点埋沙律酱更惹味。
Crab Cegg & Gravy ($138)，面层奶油味浓，下面系温泉蛋同蟹肉，最底层系面包，有少少Benedict感觉；将鸡蛋刺穿，蛋浆倾泻而下，加埋啖啖蟹肉食，正！
Fried Chicken & Shrimp Jambalaya ($98)，鸡肉真系超得，外层酥脆唔多油，入面鸡肉好嫰滑，咬落去啖啖肉；虾仔一啖一只，虾肉爽口；底层既辣肉肠饭都唔错，酸酸辣辣，饱肚又满足！
Beer Battered Fish and Fries (辣啤+B&F他他，$88)，英式Fish and chips风格，炸浆厚身带辣味，入面既鳕鱼爽口有鱼味，水准之作。张贴
