影片
更多
2021-10-15
45 浏览
今日一家三口本身计划到铜锣湾行街食饭，行至登龙街见到一个写上「川粤时光」招牌入口，对于本身我哋一家都好喜欢食四川麻辣菜嘅粉丝黎讲，自然互相对望一眼，已达成共识，就系食完先行街。川粤时光喺 V Point 28楼，一开电梯门就见到佢嘅店名投影到地上，服务员带入座后，地方不大但非常开扬舒服，第一印象已经好唔错。服务员介绍咗有乜嘢茶选择后，我拣左荔枝玫瑰茶，菓花味好清香值得一试。因为都开始肚饿，所以一开始就点了三份前菜，分别系半只口水鸡、蒜泥白肉同埋酸辣鱼皮。首先黎嘅系口水鸡，麻辣味道好香好适中，半只鸡嘅份量都好大，最特别嘅系佢配左一份凉菜，应该系莴笋片，非常冰爽，当你食几件麻辣味口水鸡后，食番一片凉菜当做间场，会俾你一个好舒服感觉，系今日第一个惊喜，呢个配搭几抵赞👍接住黎就系蒜泥白肉，呢个菜系今日俾我嘅第二个惊喜，以往食嘅蒜泥一般都系蒜蓉粒做成嘅酱料放上去，但系呢度嘅蒜泥系做到好似 cream cheese 咁 smooth 放系碟中间，而周边就放满白肉，咁你食嘅时候就按你自己喜好加入适量蒜泥黎食，个蒜泥味道确实唔错，而且 presentation 都几靓。第三个前菜系酸辣鱼皮，呢个菜一向
川粤时光喺 V Point 28楼，一开电梯门就见到佢嘅店名投影到地上，服务员带入座后，地方不大但非常开扬舒服，第一印象已经好唔错。
服务员介绍咗有乜嘢茶选择后，我拣左荔枝玫瑰茶，菓花味好清香值得一试。因为都开始肚饿，所以一开始就点了三份前菜，分别系半只口水鸡、蒜泥白肉同埋酸辣鱼皮。
首先黎嘅系口水鸡，麻辣味道好香好适中，半只鸡嘅份量都好大，最特别嘅系佢配左一份凉菜，应该系莴笋片，非常冰爽，当你食几件麻辣味口水鸡后，食番一片凉菜当做间场，会俾你一个好舒服感觉，系今日第一个惊喜，呢个配搭几抵赞👍
接住黎就系蒜泥白肉，呢个菜系今日俾我嘅第二个惊喜，以往食嘅蒜泥一般都系蒜蓉粒做成嘅酱料放上去，但系呢度嘅蒜泥系做到好似 cream cheese 咁 smooth 放系碟中间，而周边就放满白肉，咁你食嘅时候就按你自己喜好加入适量蒜泥黎食，个蒜泥味道确实唔错，而且 presentation 都几靓。
第三个前菜系酸辣鱼皮，呢个菜一向系看似简单但其实算系手工菜，鱼皮做得好爽，味道清香唔算太辣，系非常好食，个人觉得如加少许 wasabi 可能会提升到另一种味道😄
最后我哋再加多一个特大份嘅水煮滑牛肉，上枱时已觉得个器皿几特别，份量超大，叫得滑牛肉，当然唔会令我地失望，牛肉大片之余的确好嫩滑，但我发觉里面嘅粉皮、鸭血、大豆芽菜等配料同样出色好味，最后太大份唯有打包一半做今晚晚餐😂
整体来讲服务恰到好处，环境简单舒服，食物质数亦系中上水平，所以价钱已经反映了，但以喜欢食川味嘅粉丝而又唔想冒险嘅，川粤时光应该唔会令你失望。
张贴
