影片
更多
2020-06-18
470 浏览
星期六晚又系我同阿妈撑枱脚嘅日子，佢最近终于Unlock咗寿司🍣，所以可以带佢去食日本嘢。由于惊打风落雨嘅关系，我同佢去咗近近哋位于牛头角新开嘅「一本食堂」。我见网上介绍好抵食。我哋喺对面马路就已经见到大大个招牌，但有一刻怀疑洗咪行楼梯🤔，其实左边系有电梯的，哈哈。一出䢂就发现原来餐厅环境超大，而且完全唔系工厦风格。餐厅装修几靓，用上唔少樱花同日本伞作点缀，而且有大大个玻璃窗，感觉开扬😊。另外，餐枱相当阔落，客人坐得舒服。一本食堂系一所日本餐厅🇯🇵，各类型嘅日式料理一应俱全，包括刺身、寿司、卷物、沙律、定食、锅物、小炒、拉面乌冬、炸物天妇罗、串烧、冷食、小食以及一品料理。有选择困难症嘅朋友遇上难题了！同时，店员并向我哋介绍佢哋今日嘅特选海鲜，包括象拔蚌刺身同活鳗串烧。另外，佢哋亦有多款菜式做紧推广优惠。其实主餐牌同推广优惠嘅食物通通都好抵食，而份量同味道亦令人满意👍。我哋每个类别都叫咗啲试吓！杂锦鱼生碎手卷($13)同蟹籽手卷($13)，我哋一人食一个手卷，咁就确认有饭落肚唔会饿🤣。我认为手卷比寿司抵食，因为价钱大部份都只系争$2，但手卷大件好多。杂锦鱼生碎手卷唔错㖞😋，鱼生份量多，而
我哋喺对面马路就已经见到大大个招牌，但有一刻怀疑洗咪行楼梯🤔，其实左边系有电梯的，哈哈。一出䢂就发现原来餐厅环境超大，而且完全唔系工厦风格。
餐厅装修几靓，用上唔少樱花同日本伞作点缀，而且有大大个玻璃窗，感觉开扬😊。另外，餐枱相当阔落，客人坐得舒服。
一本食堂系一所日本餐厅🇯🇵，各类型嘅日式料理一应俱全，包括刺身、寿司、卷物、沙律、定食、锅物、小炒、拉面乌冬、炸物天妇罗、串烧、冷食、小食以及一品料理。有选择困难症嘅朋友遇上难题了！
同时，店员并向我哋介绍佢哋今日嘅特选海鲜，包括象拔蚌刺身同活鳗串烧。另外，佢哋亦有多款菜式做紧推广优惠。其实主餐牌同推广优惠嘅食物通通都好抵食，而份量同味道亦令人满意👍。我哋每个类别都叫咗啲试吓！
杂锦鱼生碎手卷
$13
3 浏览
0 赞好
0 留言
鹅肝寿司($30)，依到其中一大特色系相扑寿司🍣，即系饭量比较多，不过实物又无我想像中咁巨无霸哈哈。反而上面件鹅肝就真心大，而且烧得好靓好均匀，味道不算太浓郁，但都有入口即化嘅口感。
日本矶煮鲍鱼($35/只)，价钱真系好抵食，$35只边到揾。鲍鱼不会太韧，而且腌味刚好，不会太咸或太淡，可以一试😜。
杂锦天妇罗
$42
4 浏览
0 赞好
0 留言
蒲烧鳗鱼(原条)($58)，🐟鳗鱼不嬲都唔平，六十蚊唔洗有咁大条，算系咁啦。味道都唔错，无骨，仲有腌渍萝卜。
和风炒软壳蟹(1只)($46)，虽然佢名叫和风，但我哋觉得似避风塘口味多啲，因为有好多脆粒。🦀软壳蟹系加大码，估唔到一只份量都有咁多。不过我哋略嫌只蟹淋身咗啲，可能系炸完再炒嘅关系啦。软壳蟹天妇罗应该会更出色，有机会试下先！
盐烧豚肉
$18
4 浏览
0 赞好
0 留言
芝士焗半壳蚝(2只)($32)，呢个有啲搞笑小插曲，就系店员同我哋讲厨房焗㶶咗少少只蚝🤣，要焗过，叫我哋等多阵。我哋几欣赏店员会主动讲，唔洗我哋尴尬追单。上碟嘅🧀芝士焗蚝火候啱啱好，蚝唔会太生，几鲜味。
最后，店员仲请我哋食糖水，红绿豆沙，糖水甜甜的，因为带有一份人情味😚。
服务方面，全部店员都好好人，又熟书，服务到位，其中一位蓝黑色长头发嘅年轻靓女店员(我哋估可能系老板定经理?)更加系样样野亲力亲为，无得顶💯。佢主动问我哋啱唔啱食，上菜速度点，又介绍佢哋餐厅其实会关注素食者嘅需要，就连面豉汤都可以安排无肉版本🥦。咁又真系几好㖞，一班人聚会就算有人食斋都有嘢啱食！题外话，餐厅仲有免费口罩送俾有需要嘅客人。
总括嚟讲，一本食堂系一间回头度极高嘅餐厅，无论食物味道、价钱、份量、环境、卫生同服务都好高分。呢一次嘅用餐体验真系好舒服，好开心😌。我定必会再次到访。
张贴
