甜記餃子

营业中

休息中

✨其他分店食过好几次了，见到绿杨坊都有分店，今日经过绿杨坊冇理由唔食。✨饺子可以拣8只或者10只，通常午饭时间我会拣8只，晚餐我就会拣10只；汤可以拣薯仔蕃茄汤底或者鸡汤汤底。有汤饺同煎饺两款。🥟✨我每次嚟都系食汤饺子，西洋菜猪肉饺系我必食嘅，西洋菜煮得好鲜嫩，唔会熟过龙。今次仲叫咗另一款南瓜忌廉鸡饺，真系成件日本南瓜向入面🎃，好好味。✨另外仲叫咗两款煎饺子，有椰菜冬菇云耳猪肉饺同洋葱牛肉饺子。煎饺既外皮煎得好香同几脆，入面一样好Juicy，值得一赞嘅洋葱牛肉煎饺子，牛味十足，加洋葱食落好爆汁。我钟意呢度嘅饺子系因为佢皮薄馅多，饺子亦都好大只，下午食8只都足够饱。另外叫咗两杯豆浆🥛，好满足😋下次又可以试吓其他款。