正潮樓

营业中

休息中

今次嚟到铜锣湾，好少见到有潮州菜嘅出现，心郁郁嘅我又想食蚝仔粥。👍🏻卤水拼盘卤水嘅色泽非常之靓，油光充足，除咗有鹅片之外，亦都有猪红、豆腐、猪大肠、花生粒。👍🏻方鱼炒芥兰炒芥兰最重要系多油先够香，餐厅加入咗方鱼粒粒作为咸香嘅调味，口感脆嫩无渣，亦冇一般芥兰常见嘅苦涩味。👍🏻蚝仔粥完全做到潮州粥嘅精髓，米嘅状态相对完整和粒粒分明，不太糊烂。食落好香，蚝肉饱满 ，再有大量嘅葱花芹菜点缀。👍🏻汕头煎蚝烙煎得不油不腻，鲜美酥香，酥而不硬。咬落啖啖蚝肉，可以洒上胡椒粉同淋上鱼露，更具风味。👍🏻厚菇焗鲍鱼不论鲍鱼定系冬菇都煮得非常入味，酱汁亦都唔会过分浓郁，盖过食材嘅鲜味，容易切得黎，口感爽嫩。👍🏻清心丸绿豆爽清心丸绝对系呢一碗甜品嘅灵魂，晶莹剔透嘅方型清心丸，口感烟烟韧韧，加上绿豆嘅爽甜，确系好食，不过食到底会有少少觉得太甜，建议可以二人分享。除咗鲍鱼之外，亦都有一系列潮式海鲜：鱼翅、海参、燕窝等名贵食材，而且睇到菜单见到护国菜嘅存在，足以呈现传统潮州菜肴。