冒喜 (杜智臺)

营业中

休息中

呢间川菜冒粉其实已经食过几次，热辣辣无胃口又想食啲刺激嘢咁就过咗嚟湾仔呢间分店再食，今次嚟仲出咗啲新嘅𩠌、汤底同面生椰蕃茄汤吉祥套餐，个汤底几浓郁同creamy，蕃茄味比较出但都有淡淡嘅椰子香，呢个配搭都唔错，配料方面就试啲特色野，有丁家脆哨同黄喉，两只都好爽脆，而且黄喉本身应该打边炉嘅地方先有，依家食面都可以加，太正了再加埋弹牙蒜香墨鱼丸，仲有鱼腐，可以朔下啲汤底黄金酸菜汤吉祥套餐，嚟到依度点可以唔食辣，之前试过佢嘅麻辣汤底都好惹味，呢个酸菜汤底食落唔算好重味，但佢𠮶种麻系慢慢渗出嚟，手锤牛肉丸够弹牙，猪大肠都肥美，仲有啲𩠌都可以点下佢个冒喜秘制酱汁，食落有啲似辣辣地炸酱嘅感觉泡椒麻辣鱼皮，鱼皮咬落爽口，都算几泡椒，岩钟意食辣嘅朋友当然唔少得仲有甜品冰粉同埋饮品，饮品就拣咗酸梅青柠乌龙茶同洛神花山楂苹果，佢都算足料，个人比较喜欢洛神花山楂苹果，比较清甜，酸梅乌龙茶有啲似咳药水，至于冰粉配上酸梅汤，消暑解渴，上面仲有啲山楂QQ果冻，口感都唔错。