影片
更多
2024-12-07
0 浏览
今日落铜锣湾出job, 同事话食东南亚印尼野，带了我去呢度地牢食，我都唔知呢度下面系餐厅，同事话呢度系印尼正宗，我哋都见有好多东南亚人士嚟食。由同事发板，点了几个小食、串烧同主食，3个人食都好足够。炸鸡肉球39有8粒，细细粒，一啖一粒，脆脆地，几香口，入面好软腍Juicy。炸鸡肉饼$45望落去有d似四方型既咖喱角，几大件，外层够哂脆，入面系鸡肉粒，咬入口同样香口，不过东南亚煎炸食品系比较油腻。粟米饼$32同事极力推荐，外貌系几吸引，食落香脆，入口之后d辣味慢慢渗出，好特别，内面系椰菜丝、红萝卜丝同蛋，当然仲有大大粒鲜甜爽口粟米，调味好正，几特别嘅小食。鸡肉沙嗲（3串）$48鸡肉串肉烧得金黄，外貌吸引，入口唔嚡，够嫩滑，又惹味。特色印尼炒饭$68用菜心粒、红萝卜丝、蛋同洋葱炒，好香，炒饭相比起啲小食冇咁油腻。印尼炒贵叼$68炒贵叼好弹牙，配料同炒饭差不多，加上有炸得好香脆嘅红葱头，感受到好似食紧印尼营多捞面既味道，唔需要特别配料，个调味已经一百分。热姜蜜$20最后饮返杯热姜蜜清清油腻感，感觉好舒服。
由同事发板，点了几个小食、串烧同主食，3个人食都好足够。
炸鸡肉球39
有8粒，细细粒，一啖一粒，脆脆地，几香口，入面好软腍Juicy。
炸鸡肉饼$45
望落去有d似四方型既咖喱角，几大件，外层够哂脆，入面系鸡肉粒，咬入口同样香口，不过东南亚煎炸食品系比较油腻。
粟米饼$32
同事极力推荐，外貌系几吸引，食落香脆，入口之后d辣味慢慢渗出，好特别，内面系椰菜丝、红萝卜丝同蛋，当然仲有大大粒鲜甜爽口粟米，调味好正，几特别嘅小食。
鸡肉沙嗲（3串）$48
鸡肉串肉烧得金黄，外貌吸引，入口唔嚡，够嫩滑，又惹味。
特色印尼炒饭$68
用菜心粒、红萝卜丝、蛋同洋葱炒，好香，炒饭相比起啲小食冇咁油腻。
印尼炒贵叼$68
炒贵叼好弹牙，配料同炒饭差不多，加上有炸得好香脆嘅红葱头，感受到好似食紧印尼营多捞面既味道，唔需要特别配料，个调味已经一百分。
热姜蜜$20
最后饮返杯热姜蜜清清油腻感，感觉好舒服。
张贴
