Saravanaa Bhavan (已搬遷) 新店位置

朋友介绍呢度食正宗印度菜，经常系尖沙咀出没嘅我都唔知到原来汉口道有呢间大型连锁印度餐厅，上到楼上铺先发现呢度别有洞天，餐厅内面嘅印度人多到我以为自己去左印度，咁多本地人帮衬就证明呢道嘅野食够晒正宗啦!首先点左道酥炸蘑菇，蘑菇面有薄薄嘅粉浆包住，再用大量嘅香料、葱蒜等炒，甚有镬气，食落仲要竟然有种避风塘嘅风味，好啱香港人嘅胃口。另外再点了一道印度芝士naan，内里夹了大量芝士粉，烟靭嘅口感果然系送咖喱一流。另外我地叫了两款杂菜咖哩，第一款芝士杂菜咖哩嘅味道都颇辣，芝士口感较硬，混和着浓郁嘅咖哩汁都食到芝士香味，再加上青椒蕃茄等令食落无咁腻。第二款嘅咖喱椰菜则完全不辣，椰汁味较浓所以食落味道偏甜，另外青豆都够爽口唔会太粉，反而椰菜就唔多。最后仲叫多个咖哩杂菜软包，呢款咖哩又同前两款唔同，呢款味道都系较辣，内里混和了薯蓉，软包烤得外皮酥脆内松软，旁边嘅印度人食客仲好亲切咁主动教我地要先将葱同香料混和到咖哩汁，再夹入软包吃才是正宗食法。