影片
更多
2022-10-06
3651 浏览
又要前文提要吓先，由于同老婆入咗嚟将军澳嘅「九龙东智选假日酒店」宅渡假，整个套票包入住当日自助午餐、标准客房、免费借用单车及翌日自助早餐（$1,100+10%），都算抵玩。前文就分享咗个自助午餐，依篇就讲讲个自助早餐，享用地点都喺晌番对面「九龙东皇冠假日酒店」嘅「尚厨」。㖊日自助午餐嘅入座率就可以讲空前盛况咁，目测都有9乘满，而今朝（喺星期六嚟），可能时间尚早，才7:30am左右，成间餐厅暂得几枱客，环气氛变得较清静，点坐都得，当然拣番个窗口位啦，加上高楼底环境，悠闲舒服。自助早餐唔知收几钱位，而确认信亦话只喺「simple breakfast buffet」，睇过啲食评都知唔会好多嘢食，所以，可能打咗底，以早餐计，选择都唔少，又觉得OK㖞。不过，好老实，跟之前同样喺宅渡假时包早餐嘅酒店比较，如「黄金海岸」、「帝逸」、「富诺特东荟城」，呢度确喺明显低一、两班。但既来之，则安之，事事比较亦意义唔大，反正，食得几多吖，够食、啱食咪OK啰。饮品区对比㖊日午餐，除咗种类选择少咗，每个种类嘅款式亦无咁多，就以饮品为例，主要就喺茶啡同橙汁，再有啲柠檬片冲吓柠水、柠茶。先一杯橙汁配沙律，之后就再一杯
㖊日自助午餐嘅入座率就可以讲空前盛况咁，目测都有9乘满，而今朝（喺星期六嚟），可能时间尚早，才7:30am左右，成间餐厅暂得几枱客，环气氛变得较清静，点坐都得，当然拣番个窗口位啦，加上高楼底环境，悠闲舒服。
自助早餐唔知收几钱位，而确认信亦话只喺「simple breakfast buffet」，睇过啲食评都知唔会好多嘢食，所以，可能打咗底，以早餐计，选择都唔少，又觉得OK㖞。不过，好老实，跟之前同样喺宅渡假时包早餐嘅酒店比较，如「黄金海岸」、「帝逸」、「富诺特东荟城」，呢度确喺明显低一、两班。但既来之，则安之，事事比较亦意义唔大，反正，食得几多吖，够食、啱食咪OK啰。
饮品区对比㖊日午餐，除咗种类选择少咗，每个种类嘅款式亦无咁多，就以饮品为例，主要就喺茶啡同橙汁，再有啲柠檬片冲吓柠水、柠茶。先一杯橙汁配沙律，之后就再一杯咖啡衬我嘅DIY全日早餐，哈哈。
沙律吧、生果、粟米片呢几类喺自助早餐嘅必然种类，沙律吧就只有2款沙律菜、8款配料、3款酱，话多唔多，话少亦叫OK，而生果喺得两款，粟米片就无试，反而见有啲乳酪，就唔错过。
通常第一转会先食啲开胃嘢，所以，先嚟一碟拼盘，沙律吧有嘅食材都样样要啲，再淋上只意大利汁，另外加啲生果同乳酪，一份健康嘅「前菜」就此诞生。真喺喺食自助餐先会咁，啲食材都算新鲜，沙律菜入嗉嗦声，只汁酱亦好醒胃，生果够晒甜，最紧要喺够健康。
烘焙、热盘、粥品再行过少少，有烘面包机，亦有个暖柜放咗少少牛角酥、丹麦酥，而热盘呢？款式比较偏向西式啲，如薯蓉、炒滑蛋、茄汁豆……等等，再加啲炒饭、甘笋粥……等，就唔会好似午餐咁，有啲即煮面档、粥档。果然喺「simple」，不时晌自助早餐都有嘅粉面、点心、烟肉……，甚或甜品，都唔见有。
点都好，总之左砌右搭，都砌咗一整碟，都有啲似一份「全日早餐」。啲牛角包、丹麦酥都几好食，松软富牛油香，薯蓉又打得几柔滑。质素上，突出就唔突出，胜在平平稳稳，无咩大问题。
整体嚟讲，选择确喺少咗啲，但啲嘢食质素都叫OK，况且，以一般人而言，早餐都唔会食太多，简简单单填饱肚。
张贴
