備長

营业中

休息中

餐厅：备长地点：铜锣湾澳门逸园中心菜式：日式居酒屋餐牌：主打串烧，有多款牛羊猪肉鸡海鲜蔬菜烧物，沙律，酒肴，煮物，炒物，扬物，食事等。另外黑板都有刺身寿司可选。每张枱都放有酱料，包括柠檬同自家制味噌酱。蔬菜条 $28 另加一坐低后就有新鲜蔬菜条，包括椰菜大大份、红萝卜三条、青瓜三条，配自家制味噌酱真系几好食。美国安格斯牛柳 每串 $78 另加一美国安格斯牛柳一串四件，面头加上牛油，好邪恶。叫左三成熟，食落都算嫩口，唔会太干，味道唔太浓，不过唔洗牛油𩠌都已经唔错。牛肋骨 每串 $48 另加一牛肋骨一串好多肉，个酱汁好好味，肉质都好嫩，啖啖肉。牛舌厚切 每串 $78 另加一牛舌厚切超厚切，一串三件，烧得皮脆肉弹牙，真系啖啖肉，肉汁丰富，系我食过最厚切既牛舌。酱汁系同牛肋骨一样。白鳝 $88 另加一白鳝一串两大件，烧得皮脆肉多汁，好嫩滑，而块肉系超厚，真系我食过最厚既白鳝。烧蚝 每串 $48 另加一烧蚝连壳上，可拣味噌或者葱蒜酱油，我地拣左后者。蚝好大只，肉质鲜甜，又唔会太散，味道唔会过咸。餐厅有吧枱，有正常枱，都有房间。用餐环境不俗。特别欣赏呢度串烧大部分份量都好足，食物质素高！