影片
更多
2024-02-10
42 浏览
💈今日熊妹等埋阿妹放工，就去左位于太子近期正式开业的牛排工房《The Steakhaus》试新野喇🆕！📌新店新开张新装修好新净呀！门口以一条红色霓虹光管做招莱，感觉十分抢眼。📌以bauhaus风格的装潢，黑白格仔🏁的地板图案配以啡色的沙发椅及枱凳，带出古典的欧陆风味。📌地方都几大，有多张二人枱及四人枱。📌二人撑枱脚的高枱非常有情调💑。📌四人枱以沙发坐位🛋为住，空间大啲，又坐得舒服。📌墙上还挂上多个发放暗暗橙光的灯泡💡，令到整间餐厅感觉好柔和又浪漫。📌新店新餐牌，话明牛排工房，牛排种类都有4款，唔想食牛可以拣猪鞍架同羊架，另外仲有沙律🥗、小食🍢、意粉🍝同甜品🍩。甜薯条，$38阿妹放工太肚饿了，先食个小食先。有甜薯条同薯条拣，一定会拣甜薯条🍠。冇谂过几大兜㖞，份量好多下，啱啱炸起热辣辣，脆卜卜，内里甜薯又软熟，就咁食已经好有甜味，唔点茄汁都好好味，点埋茄汁🥫就多个蕃茄甜酸味道。咁嘅价钱咁嘅份量，绝对系超抵食！香草羊架（3支骨），$98听讲除咗牛之外，《The Steakhaus》嘅羊架都几掂，所以熊妹同阿妹都有兴趣试吓羊！面头铺满香草嘅羊架🐩，一上枱芬香扑鼻👃🏻，闻到都流晒口水。羊架🦴焗到
📌新店新开张新装修好新净呀！门口以一条红色霓虹光管做招莱，感觉十分抢眼。
📌以bauhaus风格的装潢，黑白格仔🏁的地板图案配以啡色的沙发椅及枱凳，带出古典的欧陆风味。
📌地方都几大，有多张二人枱及四人枱。
📌二人撑枱脚的高枱非常有情调💑。
📌四人枱以沙发坐位🛋为住，空间大啲，又坐得舒服。
📌墙上还挂上多个发放暗暗橙光的灯泡💡，令到整间餐厅感觉好柔和又浪漫。
📌新店新餐牌，话明牛排工房，牛排种类都有4款，唔想食牛可以拣猪鞍架同羊架，另外仲有沙律🥗、小食🍢、意粉🍝同甜品🍩。
甜薯条
$38
2 浏览
0 赞好
0 留言
阿妹放工太肚饿了，先食个小食先。有甜薯条同薯条拣，一定会拣甜薯条🍠。
冇谂过几大兜㖞，份量好多下，啱啱炸起热辣辣，脆卜卜，内里甜薯又软熟，就咁食已经好有甜味，唔点茄汁都好好味，点埋茄汁🥫就多个蕃茄甜酸味道。
咁嘅价钱咁嘅份量，绝对系超抵食！
香草羊架
$98
1 浏览
0 赞好
0 留言
听讲除咗牛之外，《The Steakhaus》嘅羊架都几掂，所以熊妹同阿妹都有兴趣试吓羊！
面头铺满香草嘅羊架🐩，一上枱芬香扑鼻👃🏻，闻到都流晒口水。羊架🦴焗到全熟，一啲血水都冇，肉质好软腍，全熟都唔会鞋口，仲有肥肉位嘅均匀脂肪分布，一啖咬落去，油脂泌晒出嚟混合系羊肉入边，羊膻味都几出，而香草嘅独特味道加多重香料嘅味道，减低咗少少膻味，变得冇咁浓烈，钟意食羊🐏嘅朋友一定会好喜欢，呢份羊架真系做得几出色！
仲有一大堆烤焗咗的薄荷叶垫底，薄荷叶🥬烤焗后抽干晒水份，变成好似炸薄荷叶片，超级脆口，味道咸咸淡淡，食完羊肉再食吓啲蔬菜叶，中和返口腔羊膻强烈嘅味道。
经典卡邦尼披萨
$118
1 浏览
0 赞好
0 留言
平时卡邦尼意粉就食得多，发现咗有呢款卡邦尼pizza咁特别，真系想试吓！
《The Steakhaus》嘅Pizza🍕有别于一般嘅圆形形状🔵，取而代之系长方形，切成四块变成正方形◼️，咁样Pizza嘅材料就可以平均分布整个Pizza嘅每个位置，唔会集中系圆嘅中间，食法唔同啲㖞。
卡邦尼嘅材料：烟肉🥓、奶油🍼、芝士🧀全部云集喺Pizza上面，味道就系好creamy，熊妹习惯加埋 tabasco食，带份微酸辣嘅效果。饼底系饼干底，薄得来又有厚度，唔系纸饼干咁薄，食落脆口又有咬口，一开四都好大一件，真系抵食！
水牛芝士番茄罗勒阔条面
$108
0 浏览
0 赞好
0 留言
食完羊架食完Pizza，食埋意粉就圆满啦。
水牛芝士番茄罗勒阔条面
$108
1 浏览
0 赞好
0 留言
玉桂青苹绿茶
$48
0 浏览
0 赞好
0 留言
呢杯绿茶以一个葫芦玻璃杯呈上，造型咁特别已经好吸睛👀。清香嘅绿茶加入青苹果糖浆🍏，无额外加糖，只系靠糖浆嘅糖分🍯，所以成杯绿茶都唔系好甜，啱晒喜欢少甜又唔饮得咁多甜嘅阿妹。
绿茶入边加入咗少许玉桂粉，肉桂同苹果不嬲都绝配，杯上面仲摆放左成条玉桂条，店员话如果想玉桂味浓啲，可以成条玉桂条放入去浸，味道就更浓。
📌《The Steakhaus》扒房复古的环境格局，气氛浪漫，食物味道大众化，价钱亲民，食咗四样嘢连据扒加埋一杯饮品，都系四百几蚊，想感受吓欧陆扒房嘅气氛绝对系一个平价高质选择！
张贴
