段純貞X日出茶太 (The Johnston)

营业中

休息中

晏昼系湾仔行到球场𠮶面，又落雨又嗡闷，见到呢间段纯贞有连埋日出茶太，就决定去食餐台湾野，顺手饮杯手摇饮料。入到去睇𠮶menu，先发现原来佢仲有卖一款叫梅汁芒果嫩鸡胸拌冷面，听落都好似酸酸甜甜好开胃咁，所以就嗌一个黎试试佢。另外再叫左一份台式拼盘小食，野饮就嗌左一杯西瓜特饮。等紧野食望下铺头入面D装修，整体都系用木/竹系既感觉设计，俾人感觉都系明亮舒服既，而且地方都干净企理。过左15分钟左右Order就已经出齐，都算几快下，咁试左𠮶小食拼盘先，份量正正常常，豆腐、菇都有4,5旧，都卤得几入味，只溏心蛋好好味。试埋豌面，望落𠮶卖相好清新，上面既芒果系新鲜芒果黎，食落香不过唔系好甜，仲有一旧细蕃茄有用梅汁先浸过，有多一阵梅香味，块鸡胸应该系用慢煮，咬落去唔会嚡口都Juicy，连埋𠮶汁食唔错，𠮶面同𠮶汁几夹，少少酸甜好开胃，我觉得如果之后天气再热D再食一豌咁既冷面会好啱。