影片
更多
2024-09-28
998 浏览
星期五晚放咗工，同朋友嚟试下最近元朗谷热话嘅方太小锅米线，地址写喺教育路，但原来要转入条内街度，唔留心嘅话都有少少难揾㗎。七点半嚟到全店满座，望落个个似系啱啱坐低食咁，唯有出去兜个圈再返嚟啦，大概七点十左右返黎，今次就好啲喇，有两个门口位唔使等😆店内系写纸仔落单，汤底有六款口味同一款干捞，𩠌选择唔算多，面底只有米线或红薯粉，但就有台式特饮，睇下食咩好先。⭐胶质猪骨鸡汤朋友拣咗猪骨鸡汤，要唔辣的，𩠌就拣咗爽口牛丸、蟹粉包、同惹味炸鸡扒，而个汤底本身已经有芽菜、鲜腐竹、金菇、鸡丝同炸酱，上枱时热辣辣大大碗，汤头浓郁鲜味，饮落真系会黏住个嘴唇，几正㖞。⭐皮蛋芫荽藤椒汤自己就点咗皮蛋芫茜藤椒汤口味，𩠌拣咗麻辣巴沙鱼片同溏心蛋，但可惜溏心蛋卖晒了。而呢款汤底本身有芽菜、鲜腐竹、皮蛋、炸酱、芫茜同油菜，上枱时已闻到藤椒香，真系色香味俱全㗎。辣度要咗小辣，加埋藤椒麻麻辣辣咁几惹味，鱼片好滑兼且无骨啖啖肉，越食越上瘾，最后差唔多饮晒啲汤，正㖞😋⭐鸭屎香柠檬茶 & ⭐可乐饮品跟餐有优惠，自己点咗呢个鸭屎绿嘅柠檬茶，茶底幽香，微甜啱啱好👍朋友话佢对台饮冇兴，所以踏实啲叫咗罐可乐就算了🤣汤底真系唔错，下次嚟
七点半嚟到全店满座，望落个个似系啱啱坐低食咁，唯有出去兜个圈再返嚟啦，大概七点十左右返黎，今次就好啲喇，有两个门口位唔使等😆
店内系写纸仔落单，汤底有六款口味同一款干捞，𩠌选择唔算多，面底只有米线或红薯粉，但就有台式特饮，睇下食咩好先。
⭐胶质猪骨鸡汤
朋友拣咗猪骨鸡汤，要唔辣的，𩠌就拣咗爽口牛丸、蟹粉包、同惹味炸鸡扒，而个汤底本身已经有芽菜、鲜腐竹、金菇、鸡丝同炸酱，上枱时热辣辣大大碗，汤头浓郁鲜味，饮落真系会黏住个嘴唇，几正㖞。
⭐皮蛋芫荽藤椒汤
自己就点咗皮蛋芫茜藤椒汤口味，𩠌拣咗麻辣巴沙鱼片同溏心蛋，但可惜溏心蛋卖晒了。而呢款汤底本身有芽菜、鲜腐竹、皮蛋、炸酱、芫茜同油菜，上枱时已闻到藤椒香，真系色香味俱全㗎。辣度要咗小辣，加埋藤椒麻麻辣辣咁几惹味，鱼片好滑兼且无骨啖啖肉，越食越上瘾，最后差唔多饮晒啲汤，正㖞😋
⭐鸭屎香柠檬茶 & ⭐可乐
饮品跟餐有优惠，自己点咗呢个鸭屎绿嘅柠檬茶，茶底幽香，微甜啱啱好👍朋友话佢对台饮冇兴，所以踏实啲叫咗罐可乐就算了🤣
汤底真系唔错，下次嚟试下其他口味先。
张贴
