上海老家 (已結業)

晚市终于开返，于是约左朋友放工行街食饭。行大角咀呢头食野。两个人叫左一汤一粉两冷盘。今日太饿既关系叫左主要大份又饱肚既菜式。有酸辣汤（细）、肉沫炒粉丝、脆皮素鹅，同埋红油抄手。脆皮素鹅 $68外层既腐皮炸过，口感就外面脆，入面既冬菇金菇就香软，食到层次感。点唔点喼汁都好食。酸辣汤 $68 （细）大大碗，两个人都饮左几碗，足料，有豆腐、多竹笋、黑木耳、蛋花，仲有猪肉。酸酸地，唔算辣，怕辣都食到。红油抄手 $68大大粒，份量多，几抵食嫁。肉沫炒粉丝 $88粉丝既湿度都保持到，口感软绵绵。有猪肉碎、红椒、冬菇，唔错。