黯然燒魂

营业中

休息中

大坑出名多隐世小店，今次行下行下见到呢间黯然烧魂几多人食，睇睇先知原来系食串烧，见价钱唔贵，咁岩walk in又有位，所以试下佢！串烧当然要配啤酒先够爽皮啦，生啤够大杯！同朋友畅饮一番食下串烧好开心。这店出品即叫即烧，食好野系要时间的，非常认同店主既用心良苦。味淋鱼干，焦香味非常突出，猪肉干既 juicy感觉再带点咸鲜香，非常惹味开胃，再配埋沙律酱，更有层次感！之后来个招牌海鲜砂锅粥，超级足料，啖粥充满海鲜既咸香，质地绵绵！而且又有咬口，有矶煮鲍鱼，蚬肉，带子，蟹膏等！非常高质既粥，食到 lamlam脷，必叫之选！爆酱芝士大啡菇，啡菇 size够份量，半溶状既芝士几香又creamy, 大啡菇 keep到 juicy感，越食越起劲。烧白鳝，外层鱼皮咬落去卜卜声，完全 feel到厨师用心去烧，时间拿捏得好好，完全系有 heart之作，皮脆肉又够嫩，食原味已经好好食。酱汁烧年糕质地黏糯烟韧，味道刚好唔太咸，食完好开心又满足既感觉。牛肉露笋卷，露笋配牛都条非常配衬无得输！牛肉都香浓，露笋多水份够清新，中和味蕾。几正！焦糖菠萝，唔会死甜，甜得非常自然唔会太腻！微热既烧菠萝甜度更突出！好窝心。