金子半之助 (東薈城名店倉)

营业中

休息中

听说日本出名的天丼，今晚经过东涌金子半之助终于一试，食完都几满足。餐牌上选择唔多，分别有「江户前天丼」、「上天丼」和「天丼」得三款好快拣到唔驶用脑，拣左「江户前天丼」贪佢够大碗包罗万有。江户前天丼 $138卖相吸引相当邪恶，炸物天妇罗一大堆，包括穴子、海老、小柱鱿鱼、温泉蛋、海苔、荚豌豆。炸星鳗穴子长得夸张有30公分长，炸粉唔厚外皮松脆，鱼肉纤细无咩脂肪，食落无一般鳗鱼咁油。海老新鲜弹牙，捞下半熟嘅流心蛋汁食好正。鱿鱼粒状炸成一条，口感软身弹牙唔驶点用力嚼。炸海苔几似炸鱼皮的口感脆卜卜。荚豌豆细条薄身炸得唔干身。饭粒粒分明圆润饱满，捞秘制酱汁食都几好味。大大碗有种食唔晒的感觉，好在碗底高身饭量不算太多，最终可以食到见底。食咁多炸物难免感油腻，而店内所提供的黑豆茶饮一口的确解到油腻，好过饮其他汽水免得太饱肚。