秋田鐵板燒刺身專門店

营业中

休息中

今日同老公嚟尖沙咀食日式铁板烧，呢间餐厅装潢充满传统复古日式风格，坐得几舒服。食日式铁板烧嘅乐趣就系睇住厨师会喺客人面前即席烹调，有多重感官嘅享受。我哋叫咗秋田二人套餐，呢个套餐最抵食，有龙虾、鲍鱼、带子、鹅肝、和牛…季节沙律沙律菜新鲜爽脆，作为前菜先打开个胃鱼籽鹅肝蒸蛋蒸蛋火候啱啱好，好滑lulu，蛋香味浓郁，配埋咸香嘅黑鱼子同鹅肝鲜活时令龙虾龙虾肉质新鲜结实，爽口弹牙，鲜甜鲜味，啖啖肉，配埋虾头嘅虾膏甘香浓郁原只鲜活南非鲍鱼鲍鱼够晒新鲜大只，喺铁板上热到跳舞，鲍鱼肉质爽口得来完全唔会老，火候控制恰到好处，配上creamy既昆布忌廉汁，煮法新颖又几夹季节时令海鲜：带子带子厚身，鲜甜juicy ，煮到啱啱好熟又锁住肉汁，配埋黑鱼子、金箔、紫苏叶、紫菜，卖相精致吸引香煎顶级鹅肝块鹅肝厚到呢…（食完之后要做下运动啦）入口充满油香，配埋香脆多士简直系绝配（好邪恶）点埋个油醋汁同烧菠萝，可以减轻油腻感龙虾清汤食完龙虾剩返嘅龙虾头一啲都唔会浪费，用虾头煮咗嘅清汤充满龙虾鲜味，好暖胃。睇完火烧龙虾头嘅表演，饮埋龙虾清汤清一清个口继续食鹿儿岛霜降和牛薄烧卷+霜降和牛厚烧和牛厚烧油花分布平均，入口肉质