座銀

营业中

休息中

本身想去太古新开嘅 Jomo但原来8点就门咗于是近近哋行去隔离食拉面座银喺中环同跑马地都有分店，不过我都系第一次食，比较唔到分店质素。• 鸡白汤拉面•鸡沾面•熏制玉子鸡白汤拉面不过不失，汤底够浓而且系有层泡沫喺面，几特别。但味道未去到十分惊喜。碗边嘅炸牛蒡份量超大，相当脆口唔腻，唔钟意煎炸口感嘅话，浸汤整返软再食都得。另外仲配一块鸡肉同猪肉叉烧（个质感类似火腿），鸡肉肉质鲜嫩，有嚼劲而唔会太韧。叉烧麻麻哋，有啲干身，我冇特别钟意。沾面酱汁浓得嚟带芝士味，入面亦有鸡块，系有啲意想不到。个面系冻嘅，沾暖嘅酱汁食，温度其实啱啱好。可惜店内冷气实在太大，啲食物好快冻晒我觉得系特别嘅，整个体验都舒服，职员态度都好好，只系嘢食唔可以话系十分出众。