影片
更多
2022-07-16
2251 浏览
平日午餐时间嚟试吓，估唔到星期二都咁多人，我12时15分入座，安排坐二人台，但台与台之间距离坐到好近，坐得好唔舒服，坐位迫到似大家乐咁，中间得块胶板分隔，唔觉得有咩帮助，疫情之下嚟食嘢觉得都几唔安全。食物真系一般，沙律吧啲嘢无盖无掩，人龙又多，样样都要排队或迫人，而且依度啲人又打尖、啲钳夹完呢样又唔摆番好、啲嘢食夹到周围都系、有啲酱汁仲跌晒落地下，拎咗返坐位都无乜胃口想食，我本身几钟意食车厘茄，依度啲车厘茄竟然一啲味都无，我平日买20元嘅车厘茄都有茄味过依度。海鲜有青口、蚬、熟虾、即开生蚝，虾肉有啲晦，唔新鲜。即开生蚝好啲，细细只，食咗半打都ok。三文鱼刺身够肥厚，唔差。但系枱面𠮶啲豉油到到成地都系都冇人抺，见到都唔开胃，感觉好污糟。中汤无人补给。饮品选择少。甜品冇乜吸引，我净系试咗件蓝莓芝士蛋糕，啲芝士麻麻哋，好似拎咗出嚟好耐咁，唔好食，鸡蛋仔、蛋挞，都系一般啦冇乜特别，鸡蛋仔唔脆。雪糕都有好多款口味，但系唔知点解都系唔吸引，可能依度比较污糟，所以样样嘢都觉得食唔落咁。熟食试咗切片牛肉，太生，拎咗返去真系食唔落。炒饭，点解个炒饭可以无味。生果，西瓜完全无味，都系一样卫生情况好差，所以
食物真系一般，沙律吧啲嘢无盖无掩，人龙又多，样样都要排队或迫人，而且依度啲人又打尖、啲钳夹完呢样又唔摆番好、啲嘢食夹到周围都系、有啲酱汁仲跌晒落地下，
拎咗返坐位都无乜胃口想食，我本身几钟意食车厘茄，依度啲车厘茄竟然一啲味都无，我平日买20元嘅车厘茄都有茄味过依度。
海鲜有青口、蚬、熟虾、即开生蚝，虾肉有啲晦，唔新鲜。即开生蚝好啲，细细只，食咗半打都ok。
三文鱼刺身够肥厚，唔差。但系枱面𠮶啲豉油到到成地都系都冇人抺，见到都唔开胃，感觉好污糟。
中汤无人补给。饮品选择少。
甜品冇乜吸引，我净系试咗件蓝莓芝士蛋糕，啲芝士麻麻哋，好似拎咗出嚟好耐咁，唔好食，鸡蛋仔、蛋挞，都系一般啦冇乜特别，鸡蛋仔唔脆。
雪糕都有好多款口味，但系唔知点解都系唔吸引，可能依度比较污糟，所以样样嘢都觉得食唔落咁。
熟食试咗切片牛肉，太生，拎咗返去真系食唔落。
炒饭，点解个炒饭可以无味。
生果，西瓜完全无味，都系一样卫生情况好差，所以拎咗返去啲生果都唔系好想食。
整体来讲真系冇乜嘢好食，除咗生蚝OK，三文鱼都可以，其他都好唔得。
最后竟然食咗一小时我地巳经离开，真系无嘢再想放入口。价钱系几抵，但我都唔会再嚟，拎二百几蚊去餐厅食更加好食！
建议佢哋唔好做到咁低价吸引人嚟，每人收返多一旧水，提升返食物质素，又少啲人唔使咁迫，衞生又可以做返好少少。
注：图文不乎，我觉得我部手机影得太靓，真实唔系咁！
张贴
