豐信餃子店

营业中

休息中

今日去太子上堂，同學帶我去位於汝州街17號地下A號舖的《豐信餃子店》食餃子，我地早到一步，不用排隊等位，環境舒適，坐得舒服。我地點左：🥢椰子海帶鮮雞豬骨濃湯配西洋菜鮮肉餃10隻 $52湯底濃郁好味，西洋菜鮮肉餃大大隻，餡料豐富飽滿入味，九成湯飲哂！🥢薺菜馬蹄鮮肉餃 10隻（煎）$57煎得熱辣辣及香噴噴，餃皮香脆，餡肉好味。🥢秘汁金錢展 $40金錢展牛味香濃，肉質軟腍入味。🥢涼拌爽脆竹筍 $28竹筍爽脆可口，涼拌帶有少辣，幾惹味！🥢柑桔蜜 $12酸酸甜甜，好飲。🥢清熱潤喉羅漢果甘草茶 $12羅漢果味濃，甘甘甜甜，唔錯的涼茶。