豐信餃子店

营业中

休息中

在附近花墟行街买花，阿仔想试吓食另类晚餐，在网上揾到此饺子专门店，见价钱唔贵，便同佢试吓。基本上晚市都几多客，要等一阵才有位，装修简约，干净企理。有14款饺子选择，可以跟椰子海带鲜猪骨浓汤或煎，亦可以加面或米线等，可能我哋来得夜，都有几款饺子卖晒。韭菜鲜肉饺，饺子大大只，皮薄馅料多，肉质结实，汤底感觉鲜甜浓味，唔会太咸，可以空口饮汤。咖喱椰菜鲜肉煎饺，马拉咖喱，唔会太辣，大约一只辣椒辣度，肉馅仍然保持 juicy，嘢味之选。西洋菜鲜肉饺，西洋菜冇韭菜咁重味，整体感觉比较淋。芝士粟米鲜肉煎饺，呢个比较有特色，芝士味重，味道层次感丰富。卤蛋及卤水鸡肾都有水准，鸡肾分量充足，性价比高。