金子半之助 (東薈城名店倉)

营业中

休息中

话咁快又完了四日三夜之旅，抵港又快又平嘅回家方法就系巴士去东涌再转港铁。去到东涌都7点多，廉航又无飞机餐，饿到爆….决定医医肚先回家。好少去东涌，一上扶手电梯就见到间金光耀眼的天丼店好吸引，一于试试。里面以木系为主，日式装潢简约，感觉舒适，座位仲几多添！选择有多款天丼、乌冬配迷你天井、单品、饮品和儿童餐。饿了5个多钟，要食得丰富啲！拣咗迷你天井配稻庭乌冬（$118），有齐两个组合，正！温乌冬还配有一个宝盒，内有温泉蛋、海藻、葱花、鲣鱼花和天妇罗碎，放进滑身的乌冬内，变得更丰富美味！迷你天井都好丰富，粒粒饱满嘅米饭上放咗多款天妇罗，有菇菌、海老、南瓜、海苔、荚豌豆和温泉蛋。全部都不错，最喜欢菇菌，又爽又脆；南瓜就外脆内粉绵；海苔就脆卜卜。最正系将温泉蛋刺开，蛋黄液渗入米饭中，加埋秘制酱汁，好味得很！见到OpenRice 啲食友推介穴子天妇罗（$68），又试下先！哗！好长呀！差不多有我上臂咁长，仲好厚肉，劲！食落外脆内肥美软滑，再点啲酱汁更好味！还有白身鱼（$28），同样外脆内嫩，啖啖肉，完全无骨，仲好鲜美，喜欢！味噌汤 （$8）暖笠笠，有豆腐粒、葱花和昆布，味道刚好，不会太咸。