影の鳥 (已結業)

利申先-我唔系镜粉 🤣 但系都有听过呢间镜仔都有投资的新烧鸟店（系边个成员我就真系唔知啦）社交平台内都有不少好评，我梗系要去试吓真伪，睇吓系咪即系明星效应🧐低估左佢嘅受欢迎程度，平日下午去竟然座无虚席，冇理由无功而退，点都要买走个外卖！原来外卖都唔平🙉虽然两客以上九折，但系一个便当都接近三旧水🧐🧐 即叫即整，大约等20分钟～趁佢仲热辣辣你车返屋企食！返到屋企认真望下，包装确系几高质！竹制的正方形外盒，为免漏汁内层加多黑色胶兜。配埋沙律同面豉汤，成件事好似拆礼物咁，好有质感！抵佢贵嘅！▪️匠之膳 烧米国牛小扒丼 $308排得井然有条的牛小排望落好治疗，色泽鲜嫩，完美的三成熟！我唔客气喇！切成一口吃下的大小，入口细致软嫩，油脂均称！而且好有肉汁，再沾上特制日式烧汁，倍添风味，送饭一流呀！▪️串烧丼 $268最初惊五串串烧唔够饱，望到便当内涨卜卜的五串肉感十足，足料㗎！盐烧鸡肉串香滑！手打免治鸡肉棒几弹牙有咬口，🤣 如果可以加多只生蛋仲prefect ! 最欣赏系厚切牛舌，厚度足足成CM架！咀嚼起来软脆又带弹性，口感超正！鸡翼同埋黑豚腩肉亦也不俗！成个饭盒好高分！而且好饱好饱两款便当都真心高质！