潮滋味

营业中

休息中

在石门行行下街肚饿，又唔想成日食西餐日本野，一于入去潮滋味食野。侍应好好服务，叫我地坐卡位，又帮我地抹枱。建议我地食小锅面（虽然系拉面）我地叫左一个麻辣小锅面餐、南乳鸡翼、牛腩肠粉、肉丸汤同埋两杯冻饮。牛腩肠粉好大碟，牛楠好香，肠粉滑，唔错。肉丸汤比较逊色、肉丸有鱼皮饺嘅味道，汤比较淡似水。南乳鸡翼特别好食，鸡翼有好香嘅南乳味，脆得来都好入味，瞬间就食晒。最后麻辣小锅面，虽然系拉面，但系个拉面特别好食，好弹牙，而且里面嘅肉都系酥脆，仲有娃娃菜，非常足料，好想试多碗。而且，做菜嘅𠮶位姐姐行出嚟问我哋好唔好食，非常好客。最后埋单两个人$200都唔使。真系会去再试多次做菜𠮶位姐姐都话嚟紧会出甜品，下次一定要嚟试吓个甜品。