素年 (黃埔天地百寶坊)

营业中

休息中

今次就同朋友去咗一间喺网上都几出名嘅cafe，佢就系位于红磡嘅素年，相信大家一定都听过呢间餐厅嘅深水埗分店有几出名。呢间餐厅嘅环境我都几满意，坐位都算几阔落，同埋餐厅有摆到好多书同埋album cover，畀到人一种好文青嘅感觉。青森苹果肉桂蛋糕餐厅嘅甜品全部都系自家制嘅，呢个肉桂蛋糕嘅肉桂味效果都做得几好，食嘅每啖都有淡淡嘅肉桂香味。青森苹果嘅味道都够独特，𠮶种有水果香味嘅甜真系一般苹果都满足唔到。巴斯克芝士蛋糕相信大家对巴斯克芝士蛋糕都唔会陌生，呢间餐厅嘅巴斯克芝士蛋糕我觉得做得好出色，巴斯克芝士蛋糕独特嘅口感再加埋软滑嘅芝士香味真系做得几好㗎。食嘅时候仲可以配埋酸忌廉一齐食。芒果伯爵茶挞我本身就好钟意伯爵茶香味，所以如果有伯爵茶嘅甜品我都一定会试。今次呢个芒果伯爵茶挞嘅卖相真系够晒靓，靓到我都唔太舍得破坏佢。伯爵茶同芒果都好夹，而且挞皮嘅口感做得几好，有少少脆脆地嘅效果。奇异果苹果羽衣甘蓝燕麦奶有羽衣甘蓝嘅燕麦奶我真系第一次饮，估唔到效果都几唔错。奇异果、苹果同羽衣甘蓝本身都系绿色嘅，所以饮品嘅颜色真系够晒统一，而且畀到我好fresh嘅感觉，饮一啖同时feel到晒所有材料嘅味道。