辣媽川湘私房菜

营业中

休息中

天气开始凉凉哋，食啲辣🌶️嘢可以帮助保暖，所以今晚就去揾辣嘢食。见到有间餐厅叫辣妈川湘私房菜，都几多人食，门口都坐咗好多客人，我就决定入去试吓👍🏻餐厅的坐位设计好寛阔，坐得好舒服。原来餐厅主打最正宗地道川菜大师傅主理，真系要点啲辣嘢食吓👍🏻一坐低已经闻到好香嘅酸菜鱼味，好多人点呢一味𩠌，店员介绍佢哋嘅酸菜鱼系去到天花板级数✨，所以我都跟住叫酸菜鱼。酸菜鲈鱼 - 好大盘🍲，两个人基本上系食唔晒，劲抵食。一上菜果一刻，啲香味不停攻入我鼻腔，闻到我流晒口水。佢哋可以选择要贵花鱼或鲈鱼，我哋选了鲈鱼。鱼肉🐟鲜嫩香滑，啖啖肉又无骨，加埋汤嘅酸辣味，真系无得弹👍🏻 重庆辣子鸡 - 鸡肉🍗完全吸收晒辣椒嘅味道，加上特制嘅配料，令鸡肉食起上嚟，有辣度，有麻感，又有咸味，好正呀。小米炒土豆丝 - 土豆丝一条条煮到好爽口，所以非常有咬感，加上少少辣味，用嚟𩠌饭一流🥰食咁多好味道嘅嘢，点可以唔配饮品，讲真，配啤酒真系完美，可惜要开车，所以唯有下次先饮啤酒🍻我点了一杯新鲜果然好芒，好浓芒果味，又有果肉食，非常之好饮👍🏻 下次要再去食，试埋酸菜贵花鱼同埋其他𩠌菜，最紧要配埋啤酒🍻