潮州邨 (已結業)

成日食泥食去都系日本料理．饮茶咁，今次搞搞新意思。一于同一大班朋友一齐去试下正宗潮州菜。一入门口已经有人招呼问你几位，一埋位就叫左个招牌卤水鹅肝，潮州炒河，地鱼炒芥兰，炒鱼面，蚝饼，一窝蚝粥，潮和骨等等泥试。招牌卤水鹅肝：一个字滑。咬落极为甘香，又唔油腻，满口微微花椒八角既香味萦回不绝。正!！潮州炒河：有微微既沙爹既，几香。加埋爽脆既芥兰粒，口感好丰富，系一个普通而出色既少河。地鱼炒芥兰：地鱼香口，如果钟意食芥兰既人必食炒鱼面：炒得香口，有牙菜更加爽口，不过好似太多牙菜，少番ｄ会更加好味！蚝饼：完全唔似大排当果ｄ咁油腻，用煎既方法食得更加健康，而且好有蚝仔味，连唔中意食蚝仔既朋友都食左一大旧，真系估唔到。蚝粥：当时可能大家都有ｄ饱，有少少食唔落，但系个汤底好鲜，问左先知要用老鸡，大地鱼同其他材料熬成三四个钟，唔怪得之咁鲜，不过净系饮左汤。潮和骨：系腩排加秘制酱汁。食落辣辣地，又甜甜地，岩晒后生仔胃口。而且送饭一流！食左咁多，朋友都饱晒，个个都食到捧住个肚，服务都几好～老细又会同ｄ客倾计，气氛好热闹。下次一定再试其实菜式！的确系值得一试。