黑門水產すいさん (棉登徑)

营业中

休息中

今日朋友生日特登同佢尖沙咀行街食饭, 朋友最钟意就系食日本菜,记得喺尖沙咀棉登径帮衬过一间日本餐厅食物质素好好,所以今晚就同佢食生日饭。黑门水产居酒屋,餐厅装修得好有日式风情,同日本嘅居酒屋感觉一样,感觉干净整洁非常舒适。海胆蟹味噌甲罗烧 , 甲罗烧即叫即做,卖相劲吸引,用咗蟹肉蟹籽,鹌鹑蛋,蟹肉味好鲜甜,蟹味好香,配梳打饼一齐食,口感同味道都一流。极尚大渔贝烧,材料好丰富有生蚝,三文鱼籽,海胆,凡立贝,海虾,入口味道鲜甜,虾肉好新鲜爽口弹牙,帆立贝口感嫩滑,生蚝入口爽甜,味道好鲜甜。蜜糖芥末火炙安格斯牛肉沙律,安格斯牛肉烧到啱啱好,入口即溶,牛肉味劲香浓,配上芥末酱令到牛肉味道更加有层次。黑门令大渔鱼子酱脆脆包,脆脆包真系好好食,有海胆,蟹肉,三文鱼子,吞拿鱼蓉,鱼子酱。 几种食材味道都好鲜甜,食落口真系大满足。酥炸鸡软骨, 鸡软骨炸到脆卜卜,非常惹味。三文鱼刺身,三文鱼刺身砌到啱啱好,食落去好有口感,加上有啲鱼油脂肪人造三文鱼嘅香味更加浓郁。