新香園

营业中

休息中

下昼三四点同女朋友行行下深水埗，有少少想食嘢但又唔想食太丰富，就睇下附近有咩好嘢小食食下咁岩行过见到呢间新香园，见好似几出名又多人帮衬，一于就试试佢其实我之前都食过本店（坚记），都几钟意食佢个蛋牛治同饮佢杯茶走，所以今次隔左一段时间，希望佢仍然keep到水准！坐低第一件事就系叫左个蛋牛治烘底，而女朋友重口味啲就叫左个麻辣蛋牛治烘底等左五分钟都唔够就已经有得食，而质素方面我觉得都唔错，唔错在于我欣赏佢嘅蛋牛治做到干湿分明 - 外面面包烘得香脆松软，而馅料则是充满鲜牛肉汁及蛋汁嘅碎牛炒蛋，果然无令人失望而女友叫嘅麻辣蛋牛治同样唔错，而且我觉得更为香口，不过就真系几辣，唔食得辣嘅朋友要谂清楚啦另外我地仲嗌左杯红豆冰，红豆煲得都算软绵，但红豆冰本身就唔够奶香，不过不失啦