川滿居 (京都廣場)

营业中

休息中

朋友好钟意食酸菜鱼，所以就拣左川满居试下，装修简单，好多卡位，坐得舒服，唔会太逼，唔错。我地午市时间去餐厅已满座，等左两分钟就有位。午餐有套餐，但朋友为金汤酸菜鱼而嚟，当然要叫啦，$188 食到够份量概酸菜鱼，用上加洲鲈鱼，够哂落本，我试过一些铺头够胆死用雪藏越南龙脷柳，完全唔好食。份量如图所示好大，酸菜系薄切，份量多，加埋其他菇菌变得丰富。另外佢嘅孜然羊肉值得一试，因为佢嘅摩摩皮包羊肉又好特别，因为佢系用全麦做，啲皮同一般片皮鸭啲皮完全唔同，包羊肉都系第一次，系有d辣，要有心理准了，最欣赏佢羊肉够骚。最后就系莲藕仔炒牛肉，我第一次食莲藕仔，个样似莲藕但系超细小好得意，其实系类似葱，加上青椒洋葱炒好惹味。存承川菜的辣，三个小菜食到我地二人饱饱离场，价钱公道，当日坐满人就知呢间川菜馆好野。