影片
更多
2025-02-12
0 浏览
天气冻冻地好想食热辣辣鲁肉饭，去开观塘买嘢谂起呢间台式小店，就决定带老公去食晚饭。原来而家follow 社交平台仲有九折优惠添。姜葱鲁肉饭卤肉肥瘦适中，带少少猪皮同埋肥膏，肥而不腻，本来就咁捞卤肉同埋卤肉汁已经好正，仲要加上大量生姜泥同埋葱，好香，啱晒我口味，而且我觉得好啱冬天食。特盛紫菜排骨便当便当一上枱真系成座山咁差不多满到泻，除咗有大大块酥炸排骨，仲有鹌鹑蛋、台湾肠、西兰花、腌菜同埋大量紫菜。酥炸排骨香口，外面酥脆，里面猪扒保持肉汁唔会韧。啲饭捞埋配料一齐食又系劲好味。脆炸鲜奶卷•古早芋泥二文治我好钟意食芋泥，呢个真材实料唔会太甜，用酥脆饼仔夹住夹心咁样食，口感好好，外脆内绵密。炸鲜奶卷都好好味，外面有啲似酥脆嘅蛋卷，里面嘅鲜奶creamy充满奶香。明明 - 我不是章鱼烧个样好似章鱼烧，但系其实佢系类似炸花枝丸，中间有一粒大大嘅章鱼粒，我哋拣咗呢个明太子味好日式，配上木鱼，热辣辣食好香。盐酥鸡球配酥炸花枝丸台湾嘢必食嘅小食就系盐酥鸡，呢度品质都系唔错，配上花枝丸，好啱朋友一边倾偈一边食。台式饮品方面，我就拣咗养生嘅热生姜桂圆红枣茶，老公就拣咗冻古早奶茶。呢度仲有好多其他嘅特色台湾
姜葱鲁肉饭
卤肉肥瘦适中，带少少猪皮同埋肥膏，肥而不腻，本来就咁捞卤肉同埋卤肉汁已经好正，仲要加上大量生姜泥同埋葱，好香，啱晒我口味，而且我觉得好啱冬天食。
特盛紫菜排骨便当
便当一上枱真系成座山咁差不多满到泻，除咗有大大块酥炸排骨，仲有鹌鹑蛋、台湾肠、西兰花、腌菜同埋大量紫菜。酥炸排骨香口，外面酥脆，里面猪扒保持肉汁唔会韧。啲饭捞埋配料一齐食又系劲好味。
脆炸鲜奶卷•古早芋泥二文治
我好钟意食芋泥，呢个真材实料唔会太甜，用酥脆饼仔夹住夹心咁样食，口感好好，外脆内绵密。炸鲜奶卷都好好味，外面有啲似酥脆嘅蛋卷，里面嘅鲜奶creamy充满奶香。
明明 - 我不是章鱼烧
个样好似章鱼烧，但系其实佢系类似炸花枝丸，中间有一粒大大嘅章鱼粒，我哋拣咗呢个明太子味好日式，配上木鱼，热辣辣食好香。
盐酥鸡球配酥炸花枝丸
台湾嘢必食嘅小食就系盐酥鸡，呢度品质都系唔错，配上花枝丸，好啱朋友一边倾偈一边食。
台式饮品方面，我就拣咗养生嘅热生姜桂圆红枣茶，老公就拣咗冻古早奶茶。呢度仲有好多其他嘅特色台湾饮品选择，下次可以再试。
张贴
