翠林辣蟹舫

好好味黑白胡椒蟹😍今次终于约朋友食中菜，因为近排见ig有人食大大只蟹好吸引，我哋都忍唔住去试吓，叫咗几样嘢都好味😋黑白胡椒蟹佢啲蟹有分普通蟹同劲大只嘅菲律宾蟹，我哋两个人叫咗普通蟹已经好够食。佢有好多唔同嘅做法，其实款款都想试，最后拣咗黑椒。佢用好好味嘅洋葱煮嘅黑椒汁，只蟹切开几旧，所以好入味，只蟹劲肥满，啖啖肉，好好味呀☺️下次一定会再去试其他口味。食神炒饭一定要食呢个炒饭，真系好好味，除咗大量虾粒、蟹子，仲有类似豆角嘅嘢，炒到够干身够入味😋一个人食两碗饭都唔过分。沙姜盐水鹅鹅虽然好肥，但佢嘅味道整得好好，沙姜嘅香味减少鹅嘅so味，怕肥嘅我都忍唔住食咗几旧。蕃薯苗平时自己点炒都唔好食，佢用猪油渣炒，虽然油咗啲，但真系炒得好好味。见隔离人多点咗三只唔同口味嘅蟹，正呀，人多就可以食多几个𩠌，下次带埋屋企人去食先。