Etna (已結業)

太耐无出去食饭，好想好好地坐低同朋友饮嘢倾偈食饭，朋友介绍天后呢间餐厅，价钱合理，仲有户外位置，饮酒买一送一，就算唔饮酒几十蚊一大jar 嘢饮有排倾。前菜点左虾配青瓜，食落酸酸甜甜，好开胃。另一款前菜系吞拿鱼他他配埋桃同青瓜一齐食，多重口感，不过橄榄油略多左少少，好彩橄榄油唔太肥都可以接受。主菜鹅肝意大利饭，好好味，鹅肝煎得好香脆而且一d都唔溜，意大利饭软硬度适中，蘑菇味好香，真心好味。煎炉鱼最大技巧一定要煎到块皮够脆，呢度做得好好，皮脆鱼肉淋，意大利饭配鱼食最适合，唔会好饱肚好滞，但好满足。最后来个甜品tirimisu，好滑好香好好味，食足3个钟饮饱食醉，非常开心的一晚。