蛇王協

营业中

休息中

天气冻成班朋友约埋一齐食蛇，上网揾到呢间d菜式花款较多就拣左呢间食。铺头主要都系旧式装修，同其他蛇铺差唔多。入面位置唔多，预先打电话book 位会稳阵啲。菜式花款上呢间真系多，而且味道水准都一流。我地几个人食叫左都唔少款式，除咗最基本既蛇羹同糯米饭之外，我地仲叫左姜葱灼蛇皮、炸蛇丸、椒盐蛇碌、蛇鸡煲同蛇腩煲煲仔饭。蛇羹好足料，成碗羹入面摆满晒蛇肉，劲丰富。糯米饭炒得好香，干身得嚟又唔会油腻。姜葱蛇皮食落好有肉感，蛇肉口感韧韧地几得意，同埋唔会用太多调味料盖过阵蛇味，值得试。炸蛇丸新鲜炸好香口，食到除左蛇味仲有淡淡果皮味，食完一粒又想再食多粒。有朋友觉得椒盐蛇碌虽然好惹味香口，不过调味料重手咗啲，盖过咗啲蛇味，食落都唔肉食紧蛇。蛇鸡煲一定要食。入面系鸡肉蛇肉两沟，鸡煲汁劲惹味，配饭配生菜都劲正，而且都好多肉，一定够晒饱。蛇腩煲仔饭煮法有啲似福建炒饭咁，系啲白饭底上面铺满蛇肉、冬菇、莲藕同芡汁。个汁甜甜地几夹蛇肉，饭底煲仔上少少饭焦好唔错，都系必食之选。整体嚟讲呢度食蛇花款多同埋都好味有特色，上菜都快。最后埋单5个人每人食左两百几。