東海堂 Bake ‧ Drink (已結業)

每年嘅11月到3月都系士多啤梨季节，今年东海堂呢个系列嘅士多啤梨蛋糕真系无得顶，虽然价钱贵咗少少，但单系上面嘅超香甜士多啤梨同金箔已经值回票价!今次东海堂拣用最受女性欢迎嘅「草莓」做主题本来已十分稳妥, 加埋海绵蛋糕、慕丝全部都以粉红色作主调, 睇就已经好吸引。美人・赤莓人气九州赤莓蛋糕喺绵密嘅粉红蛋糕上，满布两层九州直送嘅新鲜赤莓，造型饱满嘅士多啤梨，红卜卜最吸引。一开包装盒,，已闻到很香浓嘅士多啤梨味。 除咗面头7粒赤红士多啤梨做装饰外, 忌廉唧花下面再有10粒非常饱满嘅士多啤梨组成，粒粒都系日本直送嘅赤莓， 爽口香甜，果香满溢，又不会太酸，咬落去非常多汁，食得出天然士多啤梨味道，冇人工修饰, 好味!加埋面头装饰嘅士多啤梨洒有金箔片,睇落更加华丽。蛋糕层次非常丰富，由士多啤梨海绵蛋糕，蛋白海绵蛋糕，士多啤梨白朱古力脆脆，士多啤梨啫喱，士多啤梨慕丝，士多啤梨酱及忌廉组成。海绵蛋糕一贯东海堂出品嘅松软，湿润得嚟又带点空气感。 轻盈嘅忌廉打得幼滑，甜道适中。 士多啤梨慕丝够滑溜，士多啤梨酱有粒籽咬口，士多啤梨啫喱有弹性, 而士多啤梨白朱古力脆脆增加香脆口感。 每样都做得层次分明，每口都充